Shillong, Lber 11: Ka election ban jied ia u speaker jong ka iing dorbar thawain jong ka jylla Meghalaya kan long la shai ka sngi da ka jingiathep vote hapoh ka ing dorbar thawain ka jylla ha Rilbong.
Na ka liang jong ka sorkar Meghalaya Democratic Alliance (MDA) kaba la lam khmat da ka seng NPP, da ka jingkyrshan lang jong ka party UDP, PDF, BJP bad HSPDP, kala pynieng ia u Dr Donkupar Roy kum u kyrtong bad u la dei ruh u MLA barim tam hapoh ka iing dorbar thawain ka jylla.
Katba na ka liang jong ka seng Congress bad ki nongkyrshan jong ka kila pynieng ia u Winnerson D Sangma ban ia khun ia ka election speaker hapoh ka iing dorbar thawain jong ka jylla.
Ka KHNAM kaba don u wei u MLA ha duh mynta ym pat tip ha kane ka election spekaer kan kyrshan ia ka liang synshar ne ia ka liang pyrshah ym pat lah ban tip. Ka jingjied ia u speaker jong ka iing dorbar thawain ka jylla la shai ka sngi kan long da ka jingiathep vote hapdeng ki 58 ngut ki MLA.
