Ka Elekshon ban jied ia ki nongkit kam thymmai ka KSU J H Unit kan long ha 2 tarik Jylliew

Shillong, Jymmang 25: Ka Election Committee ba la thung da ka Central Executive Council jong ka Khasi Students’ Union (KSU) ka pynbna ba yn pynlong ia ka ilekshon ban jied ia ki nongkitkam bathymmai jong ka KSU Jaintia Hills District Unit bad ka KSU North Khasi Hills District Unit na ka bynta ka samoi treikam 2018-2021.

Na ka bynta ka KSU Jaintia Hills District Unit yn pynlong ia ka ilekshon ha ka 02 tarik u bnai Jylliew 2018 hapoh District Library Auditorium, Mynthong, Jowai. Ka por ban thep ia ka vote ka long naduh ka 10 baje mynstep haduh 3 baje janmiet.

Ia ki Nomination forms lah ban ioh na u samla Garland Manar (Office Secretary, KSU JHDU) naduh ka 26 tarik u Jymmang 2018 hapdeng ka 10 baje mynstep bad 04 baje janmiet. Ia kine ki forms yn pdiang khatduh ha ka 30 tarik u Jymmang 2018 haduh ka por 5 baje janmiet. Ia ka scrutiny yn pynlong ha ka 31 tarik u Jymmang 2018 naduh ka por 10 baje mynstep haduh 3 baje janmiet ha ophis treikam ka KSU JHDU.

Kumta la kyrpad ia baroh ki Circles bad Units kiba hap hapoh ka KSU Jaintia Hills District Unit ba kin phah noh ia 10 tylli ki kyrteng jong ki dkhot ki ban ia shim bynta ha ka ban jied ia ki nongkitkam ka KSU JHDU na ka bynta ka samoi treikam 2018-2021.

Na ka bynta ka KSU North Khasi Hills District Unit pat, yn pynlong ia ka ilekshon ha ka 16 tarik u Jylliew 2018 hapoh Dorbar Hall, Nongpoh ha kaba ka jingthep vote kan sdang naduh ka por 10 baje mynstep haduh 3 baje janmiet. Ia ki Nomination Forms la sam naduh ka 25 tarik u Jymmang 2018 haduh ka 09 tarik u Jylliew 2018.

Ia ki forms ba la dep pyndap yn pdiang khatduh ha ka 09 tarik u Jylliew 2018 ha lane shwa ka 3 baje janmiet. Ia ka scrutiny yn pynlong ha ka 11 tarik u Jylliew 2018 ha ophis treikam ka seng ha Mawdiangum naduh ka por 1 baje nohphai sngi haduh 5 baje janmiet.

Ia ki Nomination Forms lah ban ioh na kane ka ophis. Kumta la kyntu ia baroh ki Circles bad Units kiba hap hapoh ka KSU NKHDU ban kin phah ia 10 tylli ki kyrteng ki ban ia shim bynta ban jied ia ki nongkitkam ba thymmai ka KSU NKHDU na ka bynta ka samoi treikam ha lane shwa jong ka 11 tarik u Jylliew 2018 shwa ka 1 baje nohphai sngi.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet