New Delhi, Rymphang 14: Ka Tnat Road Transport & Highways ka la rai ba baroh ki surok ha ki fee plaza ha ki surok bah kin dei ki “FASTag lane” naduh shiteng synnia jong ka 15, 16 tarik Rymphang, 2021.
Kumta, katkum ka NH Fee Rules 2008, kino kino ki kali ki bym don FASTag kiba iaid lyngba kine ki jaka siew khajna kin shah dain kuna bad kin hap siew arshah ia ka dor ba la buh.
Ha ka kyrwoh ba la pynmih mynta ka sngi, ka Tnat ka la pynshai ba la leh ia kane ban kyntiew shuh shuh ia ka jingsiew lyngba ki lad digital, ban pynduna ka por ap bad ka jinglut petrol, bad ban pynbiang ia ka iaid ka ieng kaba ryntih ha ki fee plaza. Ka tnat ka la hukum ba dei ban don FASTag ha ki kali kiba don ha ki thup M&N naduh 1 tarik Kyllalyngkot, 2021.
Ka thup ‘M’ kamut ki kali kiba don kumno kumno saw shaka ba pyndonkam ban kit passenjar bad ka thup ‘N’ kadei na ka bynta ki kali kiba don kumno kumno saw shaka ba pyndonkam ban kit mar, kiba lah ruh ban kit briew.
