Shillng, Jylliew 03: Ka FKJGP Upper Shillong Circle hadien bala ioh ia ka kaiphod (report) na ki lai tylli ki Unit jong ka Seng kiba kynthup ia ka FKJGP Mawnianglah Unit, FKJGP Mawkhan Unit & FKJGP Mawrashe Unit halor ki jingeh kiba ki paidbah Nong Shong Shnong jong kitei ki Lai tylli ki shnong ki iakynduh bad mad jingeh halor ka jing bym biang tikna jong ka um bam um dih.
Ka seng hapoh ka jingialam jong u Samla Kitboklang Nongphlang, President FKJGP Upper Shillong Circle ha kaba la synran lang ruh da ki nongialam ba hakhmat na ki lai tylli ki Unit jong ka Seng kiba kynthup ia ka FKJGP Mawnianglah Unit, FKJGP Mawkhan Unit & FKJGP Mawrashe Unit ha ka 30th May, 2018 kila leit ban iakynduh ia u Executive Engineer jong ka PHE Investigation Division ban dawa ban shimkhia ia ki mat kiba ktah ia ki paidbah nong shong shnong kumne.
Ban bujli thymmai noh ia ka Drilling Pump kaba don ha ka Tyllong um jong ka Shnong Mawkhan namar ka jing sniew khah khah kaba nam la ka por kala ktah shi katdei eh ia ka rukom ioh ia ka umbam umdih jong ki Nong shong shnong jong Lai tylli ki Shnong (Mawnianglah, Mawkhan & Mawrashe).
Ban buh noh Ar tylli ki Drilling Pump khnang ba kan long kum ka jing pynkhreh ba lada kawei ka Drilling Pump ka thud/sniew yn ioh ban pyntreikam da kawei pat khnang ba kan ym ktah ia ka rukom sam ia ka um sha ki paidbah nong shong shnong jong ka Mawnianglah, Mawkhan & Mawrashe.
Ban mang shuh shuh ia ki pipe um kiba thymmai bad ban maramot mardor namar kiba bun ki pipe kila sniew. Ban buh da ki Nong Pump um kiba tikna khnang ba ki paidbah nong shong shnong jong ki Lai tylli ki Shnong (Mawnianglah, Mawkhan & Mawrashe) kin ioh tikna ia ka um manla ka sngi.
Hadien ba ka Seng kim shym la ioh jingshai ha katei ka jing leit iakynduh ia u Executive Engineer jong ka PHE Investigation Division, mar mar ki Nongialam jong ka FKJGP Upper Shillong Circle ha ryngkat ka jing synran lang jong u Bah Dundee Khongsit, Genl-Secy FKJGP Central Body kila leit ban iakynduh shi syndon ia u Chief Engineer jong ka PHE, ha kaba na ka liang jong u CE PHE u la kular ban shimkhia bad kular hakhmat ki Nongialam jong ka Seng ba ka PHE kan ialeh ban pynneh ia ki Existing Schemes bad ha kajuh kapor kum shibynta ban weng ia ki Jingeh jong ki Lai tylli ki Shnong (Mawnianglah, Mawkhan & Mawrashe) na ka liang jong ka Department kala pynkhreh ia ka jing tyrwa sha ka sorkar jylla ban ioh ia ka jing mynjur.
Ha katei ka jingiakynduh ia u Chief Engineer jong ka PHE na ka liang jong u Samla Kitboklang Nongphlang, President FKJGP Upper Shillong Circle u la kren da kaba shai ba ka Seng kan iai peit pyrman ia ka jing pyntrei bad ia ka rukom pyntreikam jong ka Upper Shillong Water Supplying Scheme, bad lada jia ba katei ka Scheme kam i poi satia shano shano ruh bad lada ka long pynpan kum u Mawjynthud na ka bynta jong ki Existing Scheme kum ka Seng kam banse ban shim da kiwei pat ki sienjam na ka bynta ka jingbit jingbiang jong ki paidbah nong shongh shnong jong ka thain Upper Shillong hi baroh kawei.
Kum ka Seng kaba don ka jing kitkhlieh naka bynta ka jingbit jingbiang jong ki paidbah nong shong shnong kan iai bud dien ia kane ka kam tad haduh ba ki jingdawa jong ka seng kin urlong khnang ba kan long shisha ka jing kyrkhu ia ki paidbah nong shong shnong bad ia ka thain hi baroh kawei.
