Ka GST ka la long pynban kum ka jingtuh im im peit peit iaka pisa u paidbah:KHNAM

Shillong, Naiwieng 03: Ka KHNAM ka pynpaw ka jingsngew khia halor ka jingeh kaba ki paidbah ki ia kynduh namar ka rukom pyntrei kam ia ka GST. Naduh ki Contractor, ki nongkhaii bad ruh ki paidbah ki la shim jingeh ia kane ka rukom siew khajana thymmai bala wanrah da ka sorkar NDA jong ka BJP.

Ka jingwan rah ia ka GST kan long ne em ka jingmyntoi ia ka ri India bad ia ki paidbah, ym lah ban iohi mynta, hynrei ka rukom pyntrei kam ia kane, la iohi, ba ka la ktah shibun ia u paidbah ka jylla. Ka jingpyrshang jong ka sorkar India ban wan rah ia kane rukom siew khajana lyngba ka kor computer (computation of tax) ka long kaba dkoh namar ba khlem la pynkhreh lupa ia ki jingdonkam baroh.

Ka jingtlot bad ka jingbym biang ka rukom trei kam jong ka GSTN (Goods & Service Tax Network) ka long pyrshah ia ki paidbah, namar lada slem ban siew ia ka khajana haka por kaba biang ki paidbah kin shah dain kuna (late fee) hynrei ka jingslem ban siew iaka khajana hi ka long namar baka line (portal) bad ka SGTN kam trei kam, ym dei namar ba ki paidbah ki slem ban siew ia ka khajana, na kata ka daw ka jingdaing kuna ka long beain.

Ban siew ia ka tax katkum ka GST kam long kaba suk, bad bun bha ki nongkhaii ki hap ban shaniah ha ki briew kiba la tbit ha kane ka kam, da kaba hap siew da kador, bad ki hap ban pynbiang thik pa thik ia baroh ki jingdon kam, bad kane ka kam ka long kaba kham shim por.  La iohi bad la mad ruh iaka jingkiew dor jong ki mar ki mata ha kylleng ka jylla bad kane kan ktah bha ia u duk u suk, nuksa, ka computer ka la long kawei na ki jingdon kam jong u ne ka khynnah skul ban kiew ha ka pule ka puthi, hynrei ka jing dain kuna hadun 28% kan ktah bha ia ki ba bun ki khynnah pule.

Ka sarkar India kadei ban pyrkhat biang halor kane ka phang ban weng ia ki jingeh jong u paidbah u ba khaii ne contractor lane ki jingeh u paidbah u ba hap ban thied ia ki jingdon kam kiba bun. Ki MP jong ngi, ki dei ban shim khia ia kane, bad namar baka rukom pyntrei kam ia ka GST kam pat biang, la dei ban pynduh noh ia ka jingdain kuna.

Ka GST ka la long pynban kum ka jingtuh im im peit peit iaka pisa u paidbah da ka Sorkar. Ban pynsting ia u duk u lak ka sorkar India ka la dei ban pynduna shwa iaka dor siew tax tang haduh ka 14% ym haduh 28%. La ong u Bah Thomas Passah Vice President ka KHNAM.

 

What Next?

Recent Articles

Leave a Reply

Submit Comment
*