Ka HFU kan rakhe  ia ka sngi kyrpang u Nongrep ha ka 4 tarik u Nohprah 2020

Shillong, Naiwieng 23: Ka Hill Farmers Union (HFU) kan rakhe ia ka sngi ki Nongrep jong ka Meghalaya lane ka Meghalaya Famers Day  ha ka 4 tarik u nohprah, 2020. Ka jingrakhe ha une u snem kan dei ka jingrakhe kaba nyngkong duh namar dei ha u snem uba la dep 2019 ba ka HFU ka la pynbna ia ka 4 tarik ba kan dei ka sngi jong u Nongrep ka jylla Meghalaya.

Katkum ka kyrwoh ba la phah da u bah Commander Shangpliang President jong ka HFU sengkmie u la iathuh ba ha ka 4 tarik u Nohprah jong u snem 2019 ka seng ka la pynbna ba kane ka sngi kan dei ka sngi ban rakhe kynmaw burom kyrpang ia ki nongrep jong ka jylla Meghalaya lane ka Meghalaya Farmers Day kumb la tip ha ka ktien nongwei. Kumta mynta u snem kan dei ka jingrakhe kaba nyngkong duh ha ka history jong ka jylla Meghalaya halor ka sngi kaba kyrpang jong ki nongrep.

U bah Shangpliang u la iathuh ba kane ka jingrakhe ia kane ka sngi kaba kyrpang kam long shuh kaba thamula, hynrei kan long ka jingrakhe kaba kyrpang bad kaba kongsan tam na ka bynta ki nongrep namar ia kane ka sngi ban rakhe ia ka sngi kyrpang u nongrep la mynjur ruh da u Myntri Rangbah ka jylla u Conrad Sangma ha ka Dorbar bah jong ki nongrep (Meghalaya Farmers Parliament) ha Tura ha ka 9 tarik Nohprah, 2019.

U bah Shangpliang u la iathuh ba ka seng ka la jied ia kan ka sngi ba kan dei ka sngi jong ki nongrep namar dei ha kane ka sngi 4 tarik ba la sdang nynkong eh ia ka jingialang kaba la tip kum ka 1st Meghalaya Farmers Parliament lane ka dorbar bah kaba nynkong duh jong ki nongrep kaba la pynlong ha state convention hall, Pinewood Shillong.

Na ka liang jong ka HFU ha kane ka sngi kan ithuh kyrpang ruh ia kito ki nongrep kiba la ioh ia ka khusnam na ka sorkar jylla lane ka sorkar Meghalaya halor ka kam rep kam riang bad kumjuh ruh ia ki nongrep kiba la trei shitom bad kiba la lah ban kamai jakpoh bad pahuh ka jingioh jingkot tang na ka rep ka riang la ki long ki samla lane ki longkmie longkpa.

Na ka bynta kane ka jingithuh kaba kyrpang kino kino kiba sngew ba kin long ka nuska ha ka liang ka rep ka riang ki lah ban phone ha u President lane secretary jong ka central body lane ki president bad secretary jong ki District, ki block, circle bad ki unit.

U bah Commander Shangpliang u la iathuh b aka jingrakhe ia kane ka sngi kan long ha baroh ki District, ki Block, ki Circle bad ki unit kat kiba lah ban rakhe ia kane ka sngi kaba khraw jong u nongrep. Nalor ki nongialam ha ki District, Block, Circle bad ki unit, na ka bynta ka jingithuh kaba kyrpang lane award ki lah ban phone ha u number 8837287374 lane 9366601874 kiba dei jong u President bad General Secretary Central body.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet