Shillong, Jylliew 21: Ka ophis jong u Syiem ka Hima Mylliem kala dep ban buh dak ia ki dukan kiba la shah ban plie ha Iewd
uh, ki dak kiba la buh ka long da kaba tah ha khmat dukan da u A, B, C bad ki dukan kiba la don ia ka kin plie katkum ka sngi kaba la buh na ka bynta jong ki.
Ka jingsdang ban plie ia ka Iewduh ha dien ba la khang lai bnai linter na ka daw jong ka jingkane ka khlam COVID-19 kan long la shai ka sngi tang ia kito ki dukan kiba don ia u dak “A” bud sa ki dukan kiba don ia u “B” bad sa u dak “C”.
katkum ka jingpynbna jong ka sorkar ka long ba ka Hima Mylliem ka hap ban shim ia ka jingkit khlieh ban peit ba baroh kin bud ia ki kyndon bala buh da ka sorkar. Lada don kiba pynkhein ia ki kyndon yn khang dam syndon ia ki dukan kane ka long ka jingbtah.
U Myntri Kharlukhi ba dei peit ia ka Iew haba kren ha u SP News Agency u la iathuh ba baroh ki pulit jong ka hima ki don 35 ngut bad kila pan briew ruh na ka KHADC 30 ngut ki enforcement baroh ki long 65 ngut ban peit ia ka jingiaid beit ia ka jingplie ia ka Iewduh ka ban sdang la shai ka sngi.
La ong ba lada ka dang don ka jingduna na ka liang jong ka hima kan sa pan briew shuh shuh, hynrei kyrmen ba ka jingdon kitei ki 65 ngut kala biang bad kila lah ban peit ba ki dukan kin but ia kaei kaba la bthah ia ki.
U Myntri Kharlukhi u la ong ba ka Hima kala bthah ia baroh ki dukan ba kin but ryntih ia ki jingbthah ka sorkar bad lada ki don ki dukan kiba pynkhein ia ki kyndon ka hima kan khang dam syndon ia kum kita ki dukan, u la maham.
