Ka HITO kan hiar sha madan ban ialap kanbas elekshon pyrshah ia ki kabinet Minsiter: Donbok

Shillong, Nohprah 30: Mynta ka sngi u President jong ka seng HITO u bah Donbok Dkhar la ong ba ka jingpynbna sorkar ha kaba ia dei bad ka ain ia khalai kyrpang ia ka Casino kala jan kut  bad ka NPP lada ka wanbiang ha ka bor kan pyntrei kam jubor ha kane ka jylla kata ka logn kaba shai.

Ka seng HITO da lei lei kin nym ailad kin hiar sha madan ban ialap elekshon, khamtam pyrshah ia kito kaba kila dep ai, khatam eh ia kito ki kabinet minister, kiba la shong ki bym kren ha dien ba kila buh por ba kin wengnoh hynrei ka jubab kaba ki ioh na ki ka long ba ki dang ap ia kito ki skhim bapher bapher.

U President ka HITO  u la buh ka jingkylli hato kor ka spah ne kor ka jaidbynriew, haba phai sha ka bah kam kyrpang la ong ba katkum ka RTI kila lap ba ka jingmang ia ka bahkam kaba kyrpang ka dei tang ka Office Memorandum, kaei kaba la leh mynta naduhu snem 1972 haduh mynta ka long beain.

La ong ba kim kynnoh ia kito kiba la leit noh hynrei kiba wan ha dien ha jaka ban pynbha ia ka bhah kam kyrpang kim don bor, hynrei ki don por ban wan rah ia ka ain Casino, la ong ba ym dei ba ki ialeh politik hynrei ki tieng ia ka lawei kala shai.

Halor ka jingong ka sorkar ba ka wanrah ia ka Casino ban ban ioh khajna, hynrei la ong ba naduh ka mluh bad bad shirynieng kila dep siew ia ka khajana, ka dei ka kamram jong ki ban pynbiang ia ki hospital, ki surok ki lynti syngkieng.

Ha kane ka sngi kiwei ki nongkren kila kren halor ka jngkren u MP ka TMC ia ka riam tynrai ki khasi, ka HITO ka dawa ba ka jingpan map ka jong u kam dei tang  ha ki social media, hynrei ka dei ban long da ka jingthoh sha ka jaidbynriew.

Ha dien ka jingialang kaba la pynlong ha Stand Jaiaw kila pynlong ia ka jingiaid paidbah sha State Central Library ban buh syntiew ha u mot jong u khla wait ka Ri u nongialeh lait luid ha kane ka lyngkhuh sngi iap kaba 160th snem jong Kiang Nangbah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet