Ka HNLC ka pdiang ia u Bah Che ban long ksiang ban ia kren ia suk bad ka sorkar

Ka Seng kam don eiei ban kynthoh ia u Bah Che uba lah shongthait noh dang shen na ka jinglong nongialam hapoh ka Seng. Ka HNLC ka sngewkmen ba u lah poisuk poisaiñ hala ka jong ka ri,khamtam ba un don noh bad la ki jong ki ba ha iing ba hasem ha ryngkat ka met ka bakoit ba khiah.

U Bah Che ym tangba u long u Nongialam uba stad bad uba shlur hynrei u long ruh u Nongialam uba don ka jingsngewrit bad khamtam u ba khuid shisha haka liang ki kam pisa pilaiñ. Ki jingnoh synniang jong u ia ka Seng bad ka Jaidbynriew baroh shikatta kin nym long lehnohei bad ka jingseng jong u ia ka HNLC ka la long lypa ka bynta jong ka Histori .

Ka jingong u Bah Che ba ka jingklumar ka ba mih haka Jaidbynriew jong ngi kum juh ha Kashmir bad ki jylla ka dong shatei lam mihngi ka dei ka jingleh ka INC, ka don ka jingshisha tang ba lada ngi wad tynrai ngin lap ba kiba seng iaka BJP ne NPP ki dei ki Politician kiba phet na ka Seng Congress hi,   ki bym iapher.

Kine ki seng baroh kim lah ban iaid shabar ka aiñ-ri, ka jingphet bad jingshna seng thymmai ki Politician ka dei na bynta ka jingmyntoi shimet bad tang kumno ba kin ioh shongsah ia lade haka bor,dei ruh kumta ba u Purno A Sangma u khlem lah ban pynurlong iaka jingangnud ki paid Garo ban ioh laka jong ka Jylla naduh ba u don haka seng Congress ne NCP ne NPP kumjuh kat haduh ba un da iap khatduh.

Ka Seng ka kloi ban pdiang ia u Bah Che lada u kloi ban ieng pdeng na bynta ka jingiakren iasuk hapdeng ka Sorkar bad ka HNLC. Ka Seng ka iai ban ba iaki jingeh jong ka Jaidbynriew ym lah ban shu lehklet kumto dei tad ynda ka Sorkar India dalade kan hap ban iashong ban iakren bad ka HNLC kan sa sngewthuh iaki jingeh jong ka  jingiakajia.

Ka jingiakren sngewthuh jingmut ka dei tang maka ka atiar bakhlain, kumba u Pharoah dalade ym lah ban weng iaka jingeh ka Ri Egypt tad haduh ba u hap ban iashong ban iakren bad u Moses. Kham bun naki Politician ha Meghalaya ki dei ki Kristan ,lada phi pule haka kitab Exodus phin lap ba u Pharoah u shu siew iaki nongleh jadu kiba dei naki jaidbynriew Hebrew hi.

Kumjuh ruh ka Sorkar India ka pyntreikam da kine kijuh ki buit ,ka pyndonkam daki politician na Meghalaya kum kita ki ‘modern Tribal Magicians’ kiba lah shah thied bad shah sait jabieng , ba kin pynsngewthuh bakla iaki paidbah ba kin nym sngap iaka nongrim ka HNLC kaba ieng ban dawa ia laka jong ka Jaidbynriew balaitluid.

Ki Nongialam jong ka HNLC ki leit bad ki wan hynrei ka Nongrim ka Seng kan neh Kumjuh bad ngin nym lah ban iapein(compromise) iaka jingialeh ban pynioh pat iaka jinglaitluid ka Jaidbynriew  da ka jingpyndemwait lymne da kaba kner iaki song jingiarap ka Sorkar katba ka Sorkar india hi kam pat ai  iaka jingithuh iaka bri u Hynñiewtrep kum ka ‘Jaidbynriew’.

ka HNLC ka kwah ban pyntip paidbah ba hadien ka jingshongthait noh jong u Bah Cherishsterfield Thangkhiew kaba ki khot lyngkot bah Che kum u general, ki para nongialam bad ki dkhot ka HNLC ki  lah jied ia u bah u Saiñkupar Nongtraw ba un long u Acting General Secretary bad ha ka juh ka por bad ba un bat  bat ia kajuh ka kam ba u ju bat kum u Publicity Secretary. Ong u bah Sainkupar Nongtraw ha ka kyrwoh kaba la phah mynta ka sngi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet