Shillong, Naiwieng 10: U bah Samlin Malngiang mynta ka sngi ha ka jingialang jong ka seng ha ophis trei kam, u la pynbna paidbah ba ka HSPDP kan tynra ia u kyrtong MP sha ka sorkar MDA bad mynta u bnai kan pynbna ia ki kyrtong MDC na ka bynta ka election ban long ha u snem 2019.
Ha kane ka jingialang la ong ba ka seng ka la don lpa ka jingia sngewthuh ba ka UDP, ia kaba la tip kum ka Regional Democratic Alliance (RDA) ha kaba ia dei bad ka MDC ilekshon, hynrei ka jingiapher mynta ka long ba ka rai kan shong ha ki konstitwensi ym shuh na ki bor ba halor.
U bah Samlin, u la kyntu ba kum ki nongtrei ka party ban ia trei shitom ban pynkhlain ia ka seng ha baroh ki District, ki Konstitwensi bad ha duh ki shong ki thaw ia kaba kila leh mynta ha kaba la pynkhlain ia ka seng.
Wat la ka party ka don tang ar ngut ki MLA hynrei kala pyni ia ki rukom trei kam jong ka na ka bynta ban iada ia ka jylla. Haba ka jylla Assam kala wan leh don bor ha kahppud kila leit ban ia kynduh ia u myntri rangbah ka bad u myntri rangbah ka jylla u la sngap ia ki bad u la kren ia u myntri rangbah ka jylla Assam.
