Shillong, Naiwieng 17: Mynta ka sngi ki pulit jong ka jylla Meghalaya dang step kila leit ban tan ia baroh ki kali Ambulance 108 kiba la buh da ka MEMRIWU ha Lawmali bad ha kiwei ki jaka ruh ba don ki kali Ambulnace kiba la pyniaid da ka GVK.
Haba u SP News Agency u la ioh ban ia kren bad ka Deputy Commissioner jong ka East Khasi Hills District ha kaba ia dei bad kane ka jingleit tam jong ki pulit iaki kali Ambulance 108, la iathuh ba ka hukum kala wan na ka sorkar jylla lyngba ka tnad ka koit ka khiah iaba la soi da u Secretary.
Katkum ka hukum kaba la pynmih da ka sorkar ka long ba tnad ka koit ka khiah kala shimti noh sha lade ia kine ki kali ban pyniaid noh da ka sorkar jylla. Ka jingleit tan ia ki ka long ban phah shna ia kiba laduh.
Na ka liang jong u Preisdent jong ka MERMRIWU u la kynnoh ba ha kane ka por ba wan tan na ka liang jong ki briew jong ka ain haba ki wan tam ia ki kali kila shu sei ia tiar ba ki nongtrei ki ia shet ia tiew la leh bymsuid niew ia ki tiar.
Halor kane ka jingleh bym suidniew shuh, na ka liang ki nongtrei ki lah pynpaw ka jingbitar kaba khraw bad ki lah buh jingkylli ruh ia ka sorkar, ba balei ki wan thombor, namar ba kine ki nongtrei ba iakhih Kim dei ki lehnoh hynrei kidei tang kiba dawa ia ka hok. Na ka liang jong u president u la ong ba ha jaka ba kin iarap ia kum kine ki nongtrei kiba rit ba rai ,ki nang nion pynban ar shah ia ka hok jong ki.
