Shillong, Naiwieng 10: Ban pyrshah ia ka jingleh ki pulit ia ki dkhot ka seng ha Rambrai mynta ka sngi ka seng HYC kala pynlong ia ka jingrah placard ha khmat u mot u Kiangnangbah ban pynpaw ia ka jingpyrshah ia ka jingleh ia ki dkhot ka seng.
Haba kren ha ki lat pathai khubor u general secretary ka seng HYC u bah Roy Kupar Synrem u la ong ba ka DC kala ong ba ka don kata ka kyndon 144 CrPC bad u la buh ia ka jingylli naduh myno ym don shuh katta ka lat ban iaid da kaba jai jai.
Kane ka jingleh ka long ba nangne sha khmat ha Meghalaya ym lah shuh ban mih ban dawa ia ka hok jong ki paidbah namar kane ka sorkar mynta kala pynbna ia kata ka kyndon 144 CrPC ha ka sor Shillong baroh kawei.
U nongialam ka HYC u la ong ba ka seng ka long kaba la kloi ban pynkhein ia ki don ka sorkar lada ka jingdaw ka long ban iada ia ka jylla bad ia k jaidbynriew bad nangne sha khmat kin dang iaid bteng ia kum kine ki jingiakhih bad ha man ki jaka ba don u myntri rangbah ka jylla kin leit ban dawa na ka bynta ka jylla bad ka jaidbynriew.
Kane ka jingia mih ka jong ki ka long ban pyrshah ia ka jingleh ki bor jong ka District Administration bad ki pulit ia kaei kaba jia ha Rambrai mynin ka sngi kiba la pynmynsaw ia ki dkhot ka seng, kila knieh ia ka hok ka jong ki ban pynpaw ha kane ka ri synshar paidbah.
La ong nangne sha khmat kin nym pan jingbit shuh ban mih shakhmat naka bynta ka jingdawa ka jaidbynriew ba kan im ki long kiba la kloi ban mih sha khmat kampher ha ki kyndon aiu kin pynngat kim samla ban im ka pateng ban wan.
