Ka Iewduh ka dei ka pliang ja jong kiba bun don kam ban lehkhuid ia ka ong u CEM ka KHADC

Shillong, Jylliew 05: Ka dei ka sien kaba nyngkong ba la pynkhuid ia ka Iewduh da ka jingiatreilang hadpeng ki bor jong ka Khasi Hills Autonomous District Council bad ka Hima Mylliem mynta ka sngi ha kane ka sngi pynneh mariang.

Ha ka jingialang kaba lyngkot shuwa ban sdang ia ka jingpynkhuid ia ka Iewduh, na ka liang jong u Chief Executive Member jong ka KHADC u Bah Teinwell Dkhar ha ka jingkren jong u la ong ba ka Iewduh ka dei ka pliang ja jong kiba bun kumta la don kam ban leh khuid ia ka.

U la ong ba ha kane ka iew kala don ka jingiakhleh lang bad kiwei ruh ki jaidbynriew kiba ia im na kane ka iew, kumta ka dei ka deiti jong ki trai jylla ban ialam lynti ban pynneh pynsah ia ka jingkhuid lada kane ka dei ka pliang ja kumno nym ban pynjaboh ia ka.

La iathuh ruh ba kane ka long ka sien kaba nyngkong ba ka KHADC kan ia treilang bad ka Hima Mylliem ban ia pynkhuid ia ka bad kane ka long katkum ka jingbethah jong ka National Grenn Tribunal, kane ka long tang ka jingsdang bad nangne sha khmat kin dang iai beteng bad kiwei ki hima ruh.

Ha ka jingkren jong u Syiem jong ka Hima Mylliem u Pa,im Ainam Syiem u la pynpaw ia ka jingsngewnguh ia ka KHADC ba kala ia don lang ha kane ka jingialeh ban pynneh pynsah ia ka jingkhuid jong kane ka iew da kaba ia don bynta ha kane ka jingpynkhuid mynta ka sngi.

U Bah W Kharkrang na ka Meghalaya State Pollution Control Board ha ka jingkren jong u la ong ka jingtrei kam jong ka NGT kam dei tang ha ki krem dewiong hynrei ka trei ruh haduh ki tyngkong iing jong ki briew ban peit ia ka jingpynneh pynsah ia ka jingkhuid jingsuba.

Ha kane ka sngi ka kong A Nikhla Joint Secretary jong ka sorkar Meghalaya kaba dei peit ia ka tnad DC(A) ruh kala ia don lang ha kaba kala kren ia ka jingai khublei ia ka jingialang la pyniaid da u Bah R Kylla CFO jong ka KHADC ha kaba la don lang ruh u Dy CEM jong ka KHADC u Bah Pyniaid Sing Syiem bad ki rangbah shnong sawdong ka Iewduh.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet