Shillong, Iaiong 02: Mynta ka sngi ka IIM Shillong kala pynlong ia ka jingpynkup burom kaba 14th ia ki samla pule kiba la pyndep ia ka jingpule jong ki kiba don 349 ngut.
Na kine kiba la ioh ia ka kyrdan Ph.D ki don 5 ngut, kiba la pyndep ia ka jingpule ha ka PGP ki don 238 ngut, kiba pyndep ia ka jingpule PGPEX ki don 43 ngut, kiba pyndep ia ka jingpule PGPWE2020-22 ki don 16 ngut, kiba pyndep ia ka jingpule PGPWE2021-23 ki don 47 ngut ia kiba la ai ia ka kyrdan MBA.
Haba kren ha ka jingpynkup burom u shongknor katei ka jaka pule u Shishir Kumar Bajoria, u la ai khublei ia ki samla pule kiba la pyndep ia ka jingpule bad u la ong ba kin long ki nongpynwan dur ia ka Ri India bad u ong ba kine ki samla pule na ka IIM Shillong kin long ki nonglam lynti ha ka imlang sahlang.
U la ong ba kine ki samla pule kiba la pyndep ia ka jingpule jong ki kin long ki nongsain dur ia ka India kaba thymmai, la ong ba naduh u snem 1947 ka Ri India kala ioh ia ka jingwan bei pisa na bar ri 950 billion bad na katei 532 billion ka long ha kine ki lai snem kiba la dep.
Ka India kan shimpor 67 snem ba kan kot sha ka 3.5 trillion dollor ha ka khaii pateng bad tang ha kine ki 8 snem ka jingkiew jong ka khii pateng ka Ri India kala kiew da 2 trillion bad ha kine ki san snem kala kiew sha ka 3 trillion.
Ha u snem 2015 ka India ka long kaba 10 ha ka jingkiew ha ka ioh k kot kaba mynta kala poi sha ka kyrdan kaba san, ka India mynta ka long ha dein ka ri Russia, Italy, Brazil, France bad ka UL bad mynta ka jingiabeh ka long bad ka Germany ban long kaba saw.
Ka jingkiew ka iew ka hat ha India 65% dei ba don kam hapoh ka Ri. Na ka jingdon ki nongshong shnogn 1.4 billion na kien 1 billion ki dei kiba dang samla bad ka rta jong ki ka dang long ha pdeng ka 29 snem bad ka Ri India ka dei ka Ri kaba bun ki samla bad kane kan dang iaid bteng ia kane ha kine ki 70 snem ban dang wan.
Kiwei kiba la kren ha kane ka sngi ki long u Rajeev Chandrasekhar myntri khynnah ka sorkar pdeng bala ai jingkren lyngba ka lat jigntip kaba mynta, u Gaurav Swarup, Co-Chairman bad Managing Director ka Paharpur Cooling Towers Ltd kumu shah khot kyrpang. Ha ka jingkren jong ki baroh ar ngut kila ai khublei ia ki samla pule kiba la pyndep ia ka jingpule jong ki.
