Ka iing bishar ka MHC, kala leh ia ka kam kaba biang eh ha ka jingkynoh tah sialieh:HNLC

Shillong, Naiwieng 06: Ka iing bishar jong ka Meghalaya High Court, kala leh ia kaba biang eh ban ai ia ka rai ha kaba ia dei bad ka jingkynnoh tah sialieh da kaba aiti ia kane ka kam sha ka kynhun tohkit jong ka CBI ban dang tohkit bniah shuh shuh. Na ka liang jong ka seng bala shah niew beain ha ka sorkar ka HNLC ka ong ba ha kane ka kynti kaba mynta kan nym don shuh ka jingpyrshang ban mushlia ia kane ka kam da kane ka sorkar MUA-II.

Ka HNLC ka kynnoh ba naduh ba la sdang ia kane ka sorkar MUA-II, la iohi ba la don shibun ki kynhun tohkit ia kiba la thung da ka sorkar, kum ka jingiasait iap ia u Full Moon Dkhar, ka Siat ha Mookhep Jiantia Hills, ka jingiap jong u Ajaju Political Secretary jong ka ANVC bad kiwei kiwei baroh kine ki kynhun tohkit kim shym la poi haei haei ia kiba la thung da ka sorkar.

Na ka liang jong ka seng ba la shah niew beain ha ka sorkar ka HNLC kala kynnoh ba ka sorkar Congress ka ia leh ba iada ia ki myntri kiba la shah kynthoh. Ka HNLC ka ong ba ki myntri sorkar kiba la shah kdew kti ha ka jingshah kynnoh tah sialieh la dei ban set shirta jingim ha along kumba ki nongleh kam sniew ki ngat.

Ka seng lehnoh HNLC ka buh ka jingkylli ruh haduh katno kine ki myntri kiba la shah kynthoh ki lah ban shakri ia ka jylla, la ong u Bah Sainkupar Nongtraw publicity secretary jong ka seng HNLC ha ka khubor kaba la pynlait mynta ka sngi ha ki lad pathai khubor.

 

 

 

 

What Next?

Recent Articles

Leave a Reply

Submit Comment
*