Shillong, Naiwieng 22: ka jingiashong dorbar jong ka iing dorbar jong ka KHADC kaba lai sngi lynter kala kut mynta ka sngi bad ha kane ka sngi kut ka iing dorbar kala pdiang 8 tylli ki Bill bad 3 tylli ki jingpyntip, ha kane ka sngi kut jong ka jingiashong dorbar.
Ki Bill kiba la pynlait da ka iing dorbar jong ka KHADC mynta ka sngi ki long, ka amendment ha kaba ia dei bad ka Hima Mylliem, ka Bill kaba ia dei bad ka Hima Khyriem, Mawmluh Sirdarship, ka Wahlong Sirdarship, ka Mawlong Sirdarship bad ka Sohbar Sirdar ship kine ki dei ki bill kiba ia dei bad ki hima.
Ki jingypntip kiba ka iing dorbar ka la pdiang ki long saw tylli bad kita ki long ka Mawdon Sirdarship, Hima Malai sohmat Syiemship, ka Nobosohphoh Syiemship. Haba ia dei bad kine ki elaka ka long ba ka iing dorbar kala dep ban pdiang mynshuwa hynrei kala wan phai biang na u lat ka jylla bad mynta la lah ban pynbeit ia ki ban phah biang sha u Lat ka jylla ban ai ia ka jingmynjur.
Ha kane ka sngi ka iing dorbar kala pdiang ruh iaki ar tylli ki Bill, ka Khasi Hills Autonomous District Council (Constitution and the Procedure and Conduct of Business) Rules, 2018 nad ka Khasi Hills Autonomous District (Khasi Social Custom of Clan Administration) Bill, 2018. Ha dien ka jingpynrung ia ki katto katne tylli ki kyntien ban pynbeit ia ka Bill.
Ha dien ba la kut ka iing dorbar kala don ruh ka jingai khublei kyrpang na ki para dokhot jong ka iing dorbar namar kane ka dorbar kaba la kut mynta ka sngi ka dei ka iing dorbar kaba khatduh jong kane ka iing dorbar kaba mynta. Ia ka jingkren ai khublei iaki para dkhot la kren da u bah HS Shylla CEM.
Kiwei kiba la ia shim bynta lang ki long, u bah J Tynsong, Bah A War, Kong Telinia Thangkhiew, bah Ricky Shullai, bah Lamphrang Blah, bah D Wanlang, bah M Mawsor, Bah H Lyngdoh, Bah Albinus Lyngdoh, Bah Adelberth Nongrum, Kong Grace M Kharpuri.
