New Delhi, Jymmang 22: Ka jingkiew ka ioh ka kot kaba lah ban iaineh ha ka spah snem ba 21 kadei kaba la ioh mynsiemna ka jingkiew sted ka teknoloji kaba la pynkylla ia ka rukom kaba ngi im, trei bad iakren.
Ki jingdon jingem ba iadei bad ki kam digital jong ka ri ki la kylla ha kine ki snem, ha kaba ka sorkar ka la trei shitom na ka bynta ka jingpynkylla digital bad ka jingkiew ka jingpdiang ia ka teknoloji.
Da palat 1.4 billion ki briew, ka India kalong kaba ar ka jingbun tam kiba pyndonkam internet kylleng ka pyrthei. Ka India ka don palat 800 million ki internet connection bad ka jingpyndonkam data kaba 16 GB+ ha ka shi bnai, ka pyni ka jingkiew kaba 266 shah naduh u snem 2014.
Ki sienjam jong ka sorkar India ban kyntiew ia ka jingpyniasoh internet bad ki jingdon jingem ba iadei bad ka telecommunication ka la long kaba kongsan ha kine ki snem, ha kaba la don ki sienjam kum ka prokram Digital India bad ka projek National Optical Fibre Network (NOFN).
Nalor kine ki prokram, ka sorkar ka la plie ruh ia ka National Broadband Mission bad ka National Data Centre Policy, ban pynsuk ka jingkiew ki data centre ha India bad ban kyntiew ia ki jingdon jingem ha ki kam telecommunication kiba khlain.
Kumta, ki kam khaii pateng bad ki briew ki lah ban myntoi na ka internet kaba sted, ka jingkhlain ka network bad ka jingiohia ki kam digital. Ban kyrshan ia ki thong jong ka kiba kham jrong samoi, ka India ka la shna ia ki jingdon jingem ba iadei bad ki kam digital kiba katkum ka juk mynta.
Ka India Stackkadei ka jinglum ia ki jingdon jingem digital ba pyndonkam ki paidbah ha India. La shna ha ki lai tylli ki bynta: ka unique identity (Aadhaar), complementary payment systems (Unified Payments Interface (UPI), Aadhaar Payments Bridge, Aadhaar Enabled Payment Service), bad data exchange (DigiLocker and Account Aggregator).
Kine ki iatreilang ban pynbiang ia ki lad online, kiba lait na ki kot ki sla, ka lut pisa, bad ki kam digital ba shngain ha ki kam bapher bapher. Ka JAM Trinity- Jan Dhan, Aadhaar, bad Mobile – kalong kaba plié lad bad ka mat ba kongsan ha ki rukom ai jingsiew digital ka India.
Ka PradhanMantri Jan-DhanYojana (PMJDY) kalong kawei na ki sienjam ba iadei bad ka jingkynthup ia ki kam pisa kaba heh tam ha pyrthei, kaba la plie u Nailar 2014, da ka jing thmu ban pynbiang ki lad jingshakri ba iadei bad ki kam bank sha baroh ki longiing ki bym pat ioh ia kine ki jingshakri.
Ki Jan Dhan account, Aadhaar, bad ki connection mobile ki la nohsynniang sha ka jingsengia ka Digital India. Nalor kine, la pyndonkam ia ki rynsan kiba la don lypa ban pynthikna ban pynpoi ia ki jingshakri ba kongsan kum ka online education, e-medicine, fintech.
Ki, ki rukom rep kiba katkum ka juk mynta ha ki rynsan kiba bun, ka jingpynthikna ia ka jingpynpoi ki jingshakri sha baroh ki jaka. Ki rukom treikam Online kum ka COWIN bad ki digital certificate la shim kum ki khana jingjop ha kylleng ka pyrthei mynta.
Ki kam karkhana ruh ki la ioh jingmyntoi kaba khraw na ki lad digital jong ka Unified Logistics Interface Platform (ULIP) kaba la thmu ban pynsuk ban leh ia ki kam khaii ha ki kam logistics bad pynduna ia ka jinglut ha ki kam logistic ha ka ri.
Ki jingdon jingem digital ki la ialam ruh sha ka jingweng ia ki diengpynkiang bad ka jingryntih ha ka jingioh bynta ha ki iew ba kham iar. Kane ka paw ha ki kam e-commerce lyngba ka Open Network for Digital Commerce (ONDC) kaba plié lad ia ki MSME ba kin shim ia ki kabu kiba dang mih.
Ban plié lad ia ka jingpynkit mar kaba kham sted, ka Sorkar ka la bei tyngka bha ha ka jingpynbha ia ki jingdon jingem logistic jong ka ri. Ka GPS tracking, Radio Frequency Identification (RFID), bad ka jinglah peit mardor ia ki kam ka la kham pynshai ia ki kam logistic.
Ka PM Gati Shakti Master Plan ka dei ka rynsan digital na ka bynta ka jingioh mapping ia baroh ki jingdon jingem bad ki lad logistic ha ka ri ha kawei ka map geographic information system (GIS).
Shuh shuh, ka jingpynkylla digital ia ki jingai jingshakri bad ki kam ka Sorkar ka la pynduna ia ka por bad ki kamram na ka bynta ki business ba kin bud ia ki kyndon bad ka la pynsuk ia ki nongbei tyngka ba kin seng bad pyntrei kam ha India.
Ka National Single Window System (NSWS) ka dei ka sienjam jong ka Sorkar India kaba pyndonkam ia ki jingdon jingem digital ban pyniaid ryntih ia ka jingai jingmynjur ka Sorkar ia ki kam khaii da kaba shah ia ki nongkhaii ba kin ai ia ki kot ki sla bad ki jingai jingtip da ki lad digital lyngba kawei ka rynsan, kaba pyllait na ka jingdonkam ba kin leit mih hi sha ki kynhun bapher bapher bad kane ka la pynduna ia ka jinglut jingsep haba pan ia ki jingbit.
Sa kawei ka nuksa kaba pyni ia ki sienjam jong ka Sorkar ban pyniaid ryntih ia ki kam thied mar ka dei ka Government e Marketplace (GeM), ka rynsan online na ka bynta ka jingthied tiar kaba la sdang da ka jingthmu ban wanrah ia ka rynsan kaba pdiang lang ia baroh, kaba ryntih ka rukom treikam bad kaba shaina ka bynta ki nongdie nongthied ba kin thied mar ha ka rukom kaba hok.
Ka sienjam Startup Indiaka dei ka kam ba kongsan jong ka Sorkar India kaba thmu ban tei ia ka jinglong jingman kaba khlain ban kyntiew ia ka jingsaindur thymmai bad ki Startup ha ka ri. U Myntri Rangbah Duh u la plié paidbahia ka Startup India ha u 2016.
Ki kam startup ba khlain jong ka India ki dei ka dak jong ki jingdon jingem digital jong ka ri kiba la ai ia atiar ia ki nongseng kam lajong khnang ba kin lah ban saindur thymmai bad bujli ia ki rukom treikam ba rim.
Ha kine ki 5 snem ba la dep, ki kam startup jong ka India ki la kiewshaphrang bad ki la poi sha ka kyrdan kaba lai ha ka pyrthei ha kaba la don 92,683 tylli ki startup ba la ioh jingithuh na ka DPIIT.
Ka DPIIT ka la wanrah ruh ia ka rynsan kyrpang na ka bynta ka intellectual property rights (IPR) bad ka la wanrah ia ki sienjam ban pyniaid kham ryntih ia ka kam pan patent.
Ki lad na ka bynta ka ioh ka kot ki dei kiba dang kyllakatkum ki jingdonkam jong ki briew bad ka mariang. Ha ki por ban wan, ki teknoloji ba thymmai kin long ka bynta kaba kongsan ha baroh ki kam ka ioh ka kot bad ka imlang sahlang. Ka thong hakhmat jong ngi ka dei ban pynlong ba kine ki kam ki pdiang lang ia baroh khnang ba baroh kin ioh jingmyntoi na kine.
Ka jingdon jingem ba iadei bad ki kam digital jong ka India kalong ban kyntiew ia ka “Jingsuk ban im halor ka Jingsuk ban leh ia ki kam khaii”, namar ka thmu ban kyntiew ia ka jinglong kaba kynthup lang ia baroh bad ka jinglong ka synsharpaidbah na ka bynta ka jingmyntoi ki kam khaii bad ki nongshong shnong.
