Rai ka Seng Khasi,jaka thang dei ban ioh hapoh u pud u sam ka shnong Madan iingsyiem: Khlur

Ki nongialam seng khasi.Shillong, Nailar 20: u Bah Khlur Lyngdoh nongai ktien ka seng khasi seng kmie, u la ong ba ka jingialang bah jong ka Seng Khasi seng kmie kaba la long mynta ka sngi, kala shim ia ka rai ba ki dei ban ioh ia ka jaka thang birew hapoh u pud u sam jong ka shnong Madan iingsyiem Mylliem, katba ym pat lah ban ioh ia ka jaka, haba don ka iap ka im nangne sha khmat dei ban thang ha kper patok ia kaba la thang ia u rangbah Kulam Nongrum.

Haba kren ha ki lad pathai khubor ha dien jong ka jingialang, u Bah Khlur u la ong ba ka jingialang kala rai ba ka jaka thang ka dei ban long hapoh u pud u sam jong ka shnong Madan Iingsyiem Mylliem, katba ym patlah ban pynbeit ia kane lada don ka iap, ka jingthang ka dei ban long ha ka jaka bala thang ia u Bah Kulam Nongrum kat haduh ban da ioh ia ka jaka thang kaba biang.

Kwei pat ki rai ki long ba na ka liang jong ka seng kan nym ai kano kano ka jingujor ia mynta pyrshah ia kito ki briew kiba la wanrah ia ka jingklumar ha ka 11 tarik mynta u bnai ha ka sngi bat hang ia u Bah Kulam, hynrei ki bor jong ka ain ki dei ban kem bad pynshitom ia ki katkum ki kyndon jong ka ain, lada ka seng ka ioh ba ki bor jong ka ain kim leh ei ei kin sa ia shong pyrkhat.

Na ka liang jong ka seng khasi seng kmie ha kane ka jingialang kila shim ia ka rai ba baroh ki paidbah nongshong shnong jong ka madan iingsyiem ki dei ban ioh ia ka hok ka jong ki kaba mar katjuh ha kano kano ka liang baroh, la ka long ha ka kam iap kam im ruh kum juh.

Ia kane ka rai jong ka Seng Khasi Seng Kmie mynta ka sngi yn sa aiti sha ka seng khasi mylliem ba kan leit ban rah sha u Deputy Commissioner jong ka East Khasi Hills ban pyntip. Haba jubab ia ka jingkylli, la ong ba ka jaka thang kaba la tyrwa ka don sha khmat 12-Mer bad kane kala jngai na ka shnong bad kam dei shuh hapoh ka jingpiet jong ka shnong Madan iing Syiem.

La iathuh u Bah Khlur ba kum kane ka jingjia ban pynwit ia ka kam thang briew hapoh jong kane ka shnong Madan Iingsyiem Hima Mylliem kam dei shuh ka sien kaba nyngkong, hynrei kane ka jingjia ia u Bah Kulam ka dei ka sien kaba lai ia kaba kum ka seng kam lah ban shusngap haba ki don kum kine ki jingjia.

What Next?

Recent Articles

One Response to "Rai ka Seng Khasi,jaka thang dei ban ioh hapoh u pud u sam ka shnong Madan iingsyiem: Khlur"

  1. dao says:

    [8/20, 1:07 PM] daomai suiam: India

    The Constitution of India and its hate speech laws aim to prevent discord among its many ethnic and religious communities. The laws allow a citizen to seek the punishment of anyone who shows the citizen disrespect “on grounds of religion, race, place of birth, residence, language, caste or community or any other ground whatsoever”. The laws specifically forbid anyone from outraging someone’s “religious feelings”.
    Base on this law, the Rangbah Shnong of Mylliem should be taken to task as per law.
    Not forgetting the teachers too.

Leave a Reply

Submit Comment

*

Where to buy Vidalista Professional 20 Mg (Tadalafil) tablet