Shillong, Naiwieng 25: U Nongrah ktien ka Ri Japan sha India u Satoshi Suzuki la ong ba u dap da ka jingsngew kmen ban wan sha kane ka jylla Meghalaya ba ka don kane ka jinglehkmen tamasa Cherry Blossom ha kane ka jylla.
Haba kren ha ki lat pathai khubor la ong ba ka don ka jingiajan hapdeng ka ri Japan bad kane ka thain shatei lam mih ngi jong ki Ri India kumba u la kdew namar ki kwah ban kyntiew ia ki kam pynroi ha kane ka thain ban kiew ka ioh ka kot.
Ka Ri Japan kan pynshlur ban pynia kynduh para briew hapdeng ki briew kane ka thain bad ki briew jong ka ri Japan khamtam ki samla na kane ka jylla Meghalaya bad bun na ki kileit sha Japan.
Haba kren pat ha ka jingialang plie ka tamsa Cherry Blossom kaba la sdang mynta ka sngi la ong ba kane ka don ka thain shatei la mih ngi ka Ri India ka don ka jaka ba don kam ha ki kam iada Ri kaba ka Ri Japan ka shim ia ka.
Ka Ri Japan kan dang ia treilang shuhs huh bad kane ka thain naka bynta ka roi ka par bad kane kan dang pynkhlain shuh shuh ia ka jingiadei ha pdeng ka India bad ka japan kyrpang ha kane ka thain shatei lam mih ngi jong ka Ri India, la ong u Satoshi nongkit ktien ka Ri Japan sha India.
