Ka JHADC kala thoh sha ka sorkar ban pan pisa T.30 klur ban siew tulop: L Rymbai

Shillong, Risaw 05: Ka jingkyduh pisa jong ka Jaintia Hills Autonomous District Council (KHADC) ka dang iai beteng haduh mynta bad ki nongtrei hapoh katei ka District Council, naduh ki Executive Members, ki MDC bad ki nongtrei mynta la hynriew bnai ki khlem ioh tulop na ka daw jong ka jingbym don pisa.

U bah Larki Rymbai Deputy CEM jong ka JHADC, ha ka jingiakren bad u SP News Agency, u la iathuh ba na ka liang jong ka JHADC kala thoh sha ka sorkar ba kan ai pisa T.30 klur tyngka bad kane ka jingpan kam dei ban pan na ka sorkar, hynrei ka dei ka bhah ba ka JHADC ka dang dei ban ioh na ka sorkar ka dei na ka khajna jong ki marpoh khyndew.

Ka jinglut ban siew ia ki EM, MDC, ki nongtrei hapoh jong ka JHADC ha ka shibnai ka long kumba T.7 klur tam ne duna ha ka shibnai kane ka jingkhein hynniew klur ka long kaba la khein kyllum lang ia baroh kiba dei ban ioh ia ka jingsiew na ka JHADC.

La iathuh ba tang ki nongtrei hapoh jong ka JHADC ki don 1400 ngut ei ei bad ki nonghikai skul ki don kumba 300 ngut bad ka jinglut ha ka shibnai ka long hynniew klur tam duna bad lada siew lut ia ka tulop long T.42 klur ha kine ki hynriew bnai.

U Deputy CEM u bah Rymbai u la ong ba halor ka jingthoh jong ka JHADC na ka liang jong ka sorkar haduh mynta ka sngap jar jar ka khlem ong ei ei bad na ka liang jong ki ruh ki dang iaid bud dien ia kane ka jingpan pisa jong ki na ka sorkar kaba dei ka bhah ka jong ki ban ioh siew ia ka tulop jong ki nongtrei.

What Next?

Recent Articles

One Response to "Ka JHADC kala thoh sha ka sorkar ban pan pisa T.30 klur ban siew tulop: L Rymbai"

  1. Kitboklang Thabah says:

    Nyngkong te phi ia ong trei mon sngewbha na bynta u paidbah, mynta pat lada ym ioh tulop ym nang leh ei ei….

Leave a Reply

Submit Comment

*