Shillong, Risaw 18: U General Secretary jong ka seng HNLC, u Bah Chesrishsterfield Thangkheiw u ba la 51 snem ka rta, u la ong ba ka jingwan pyndem jong u mynta ka sngi ka dei ka ka rai jong u shimet.
Haba kren ha ki nongthoh khubor ha dien ba la dep ban aiti ia lade sha ki bor sorkar, u la ong ba “Ngam don kano kano ka jingiapher jingmut bad ka seng, hynrei la shim ia kane ka rai da lade ba ngan wan ban aiti noh sha ki bor jong ka ain, namar ka seng ka shah ban shongthait noh”.
Haba jubab ia ki jingkylli u la ong ba ia kaei kaba jia ba ka seng yn nym lah ban iathuh namar ba u la dep mih na ka seng HNLC bad mynta umd ei shuh u nongialam ka seng HNLC, hyrnei lada ka sorkar ka don kam ia u u dang lah ban ia kren bad ki. Haba ia dei bad kiei kiba la jia baroh shikatta u la ong ba um don kano kano ka jingbabe.
Haba ia dei bad ka jingkwah ban ia kren ia suk u la ong ba u la ia kren bad ka myntri kam poh iing barim ka jylla ka kong Roshan Warjri hynrei na ka liang jong ka seng Indian National Congress kam shym la lah ban khot sha ka miej jong ka jingiakren ia suk, ia ka jingiakren nga la phah ruh sha ki lad pathai khubor kadei ka jingshisha la ongu Bah Thangkheiw.
Ban shu khot ia kren na shiliang sha shiliang ka ka long kaba ym lah ban long khlem da don ki ksiang, ka jingwan jong u mynta ka long kumta khlem da wanrah tiar siat wat la u don ruh namar um lah ban wanrah lada wanrah ka sorkar Bangladesh kam kem ia u. Lada ka don u ksiang ki lah ban wanrah tiar ruh lene lah ban pyndam noh ia ka seng, ka jong wan jong u mynta ka long beit ia lade shimet ym ha ka kyrteng ka seng.
Haba ia dei bad ka seng HNLC ngam lah ban kren ei ei namar mynta ngam don shuh ha ka seng, lada nga wan sha ne ba ia kren bad kata ka la wan da kawei pat ka khang. Haba ia dei bad ka jingong ba ka don ka jingia khnieh ka kam Chairman hapoh ka seng HNLC u la ong ba kam don kum kata, ka kam chairman kam dei kaba suk ka dei kaba eh shibun wat nga ruh ngam nud. Dei ba nga kwah ban sha Ri la jong ba nga sa wan ban pyndem.
