Ka jingaidawai khasi ka dei ban iaid ryngkat ryngkat bad ka juk stad mynta: AL Hek

Shillong, Risaw 17: Ha ka sien kaba nyngkong eh ba ka sorkar Meghalaya kala phai khmat sha ki nongai dawai khasi, ha kaba u myntri ka koit ka khiah u Bah AL Hek u la khot ia ka jingialang kaba nyngkong mynta ka sngi ia ki nongsumar ai dawai Khasi.

Haba kren ha ki nongthoh khubor ha dien ka jingialang kaba la long mynta ka sngi ha Secretariat, u mytnri ka koit ka khiah u la ai ka jingkubor ba shuwa ba kin don ki doktor bad ki skul pule doktor ki briew kila tip ia kane ka rukom ai dawai bad kane ka rukom sumar kala long naduh kulong kumah.

Ka jingkhot ia kane ka jingialang bad ki nongai dawai khasi mynta ka sngi ka long ban pynsngewthuh ba kane ka jingai dawai ka dei ban iaid ryngkat ryngkat bad ka juk stad kaba mynta da ka jingiarap jong ka saian bad ha ka juh ka por ka jingshna ia ki dawai kynbat kan long kaba khuid.

U myntri ka koit ka khiah u la ong ba kane ka dei tang ka jingsdang, ka tnad ka koit ka khiah kan sa pynlong ia ka jingialang bah jong kine ki nongsumar  bad ai dawai khasi ha ka jylla kawei kan long ha Shillong bad kawei kan long ha Tura.

Haba jubab ia ki jingkylli u myntri u ka kubur ba ka dei ka jingshisha namar bay m tip ia ki jaid kynbat ki briew kiba wan na sha bar ki wan thied tador ia ki kynbat dawai na kane ka jylla bad die kylla ia ki ha ka dor kaba rem. La ong ba ka jylla Meghalaya ka dei ka jylla kaba riewpsah haduh katta katta ha ka jingdon ia ki dawai kynbat.

Ka sorkar kan s alum lang ia baroh ki tnad sorkar kiba ia don bynta ha kane ka kam, ban pynlong kawei bad ka thong jong ka sorkar ka long ban pynkylla ia ka jylla Meghalaya sha ka “Health Toursim” ka jaka jngohkai pyrthei ka koit ka khiah kumba long ha ka jylla Kerala bad ka Ri Thailand.

What Next?

Recent Articles

Leave a Reply

Submit Comment

*