Shillong, Jymmang 31: U State President jong ka National People Youth Front (NPYF) mynta ka sngi u la pynshai biang ba ka jingbit kaba la ioh ban shna ia ka ophis jong kaparty ka long, ka Khrum bad saw mala ka party kala shna katkum ka jingbit kaba la ioh na ka MUDA.
Ka jingpynshai kaba la dep ban ai ha kine ki sngi ka shu long beit tang halor ka jingkynnoh ka MPYC, hynrei mynta ka sngi u la kham pynshai shuh shuh ba ia ka jingbit la ioh ban shna ia ka Khrum bad G-3 kaba mut lai mala ka iing bad shimala jaka ieng kali ka jingkynnoh ban ong ba ki iaid lait na ki kyndon ka ain ka long kaba khlem nongrim.
Haba ia dei bad ki jingkynnoh pyrshah ia ka party na ka liang jong ka NPYF kam don ei ei ban ong hynrei haba kynthoh dei ban don ki jingshisha namar ki lat pathai khubor kim dei ki nongbishar, lada don kano kano ka jingkynnoh leit sha ki bor ba dei peit katkum ka ain.
Na ka liang jong ka NPYF, kam dei ba ka iada iano re iano, kum ka NPYF kan dap ka jingsngew kmen lada ki don kiba leit ban ujor sha sha ki bor jong ka ain, hynrei ban shu ia kynnoh ban pynjahburom iano re iano ka long kaei kaei ka bym sngew tynnad, la ong u bah Kitborlang Nongrem haba kren ha ki lat pathai khubor ha ophis ka party mynta ka sngi.
