Ka jingbym wan u Dr Mukul sha kane ka jingialang leh se um sngewtynnad ia nga: Vincent

Shillong, Nailur 18: Ka jingkwah ban bujli ia u president ka Meghalaya Pradesh Congress Committee (MPCC) ka dei ka jingpyrshah jong u Dr Celestine Lyngdoh na ki daw jong u shimet kam dei na ka All India Congress Committee (AICC), la ong u bah Vincent H pala.

U Bah Pala u la ong ba u pdiang sngewbha ia baroh kito kiba la wan phai biang sha ka party kahmtam ia u bah Pynshgnaing Syiem bad ia u bah Adrian Lambert  C Mylliem, bah Mosjo R Wanswet ia kaba la kren shai ba lada phi wan sha ka party yn nym lah ban kular ia ka Tiket.

Ha kane ka jingialang u bah Vincent H pala la ong ba ha ka jingshisha u dei u engineer, hynrei dei na ka jingialam lynti u bah O L Nongtdu bam kwai ha dwar u blei bad u bah DD Lapang kiba la ialam ia nga sha ka sain pyrthei.

U bah Vincent u la ong ba u dei u khun jong u nongrep bad mynta u don ha kane ka kam kumba ka long mynta, kum ka party kila don ki jingkiew jinghiar, ha ka jingiakhun ia ka elekshon kaba nyngkong nga kren kumba saw minit bad nga jop, ha ka jingiakhun kaba ar, don duna ki MLA hynrei la jop ia ka elekshon bad kum juh ha ka sien kaba lai.

Ha kane ka jingialang ban shimti ia ka kam kum u president ka MPCC, u bah Pala u la ai bor ia u MLA jong ka Nongpoh konstitwensi  u bah Mayralborn Syiem ba un khot biang ia u bah DD Lapang sha ka party namar ha ka seng congress ka don ka kamra ia baroh hala ki jong ki kyrdan, don ka jaka ban ia kynthoh bad ka don ka jaka ban ia treilang.

“Nga ai ka jingkular ba nga don hangne ym ban pynjot ia ka party hynrei nga ai ka jingkular ban pynkhlain ia ka party, ha ba nga sdang rung sha ka ain pyrthei nga dei u briew ba riewspah, hynrei u mei jong nga ila ong kynmaw ban nym taner ia ka jong u paidbah hynrei iarap ia ki paidbah”  la ong u bah Pala.

Ha kane ka jingialang u bah pala u la ong ba u don ha kane ka jaka ym na ka bynta ka jingmyntoi jong u shimet hynrei u don na ka bynta ki paidbah bad ban kren na ka bynta kito kiba khlem sur, u la ong ba um kwah bor namar um kwah bna long president hynrei u ai ka jignkyrshan ia u bah Charles Pyngrope hynrei ka poi sha u kane ka kam.

“ Kum u president jong ka party naduh la shai ka sngi un leit sha Nongpoh bad hapoh ar bnai yn leit sha baroh 60 tylli ki konstitwensi, hynrei ngan nym kohnguh iano iano ruh ban ong ba un ne ka ki dei ki paralok jong nga, hynrei ngan ieng na ka bynta ka jingbha jong ka party, nga ai ka jingkular iaphi baroh ba ngan nym niew bein iano iano ruh, ngim dei ban ia shrut baroh ka don ka jaka ia baroh” ong u bah pala.

Ka jingiakhun ia ka elekshon kam dei halor ka jingbym lah treikam jong ka sorkar kan nym iarap ban jop ia ka elekshon hynrei ka jingjop kan long halor ka jingtrei shitom kan iarap banjop elekshon, la ong ba baroh ki long iing dei ban leit ia kynduh da ki nongtei ka party bad haba leit ym dei ban bein hynrei dei ban kren aiu kin leh lada ki wan ha ka bor.

“Da kaba shai ngan kren, ngam don ei ei ban buhrieh leh se ka jingbym wan jong u Dr Mukul Sangma mynta ka sngi leh se ym sngewtynnad ia nga, nga don ka jingshaniah bad katba nga lah kum u briew ngan trei ia ka kam kaba la pynkham ti ha nga” la ong u bah Vincent H Pala president ka MPCC.

Ha kane ka jingialang kiba la kren ki long u bah Himalaya Shangpliang, Bah Mayralborn Syiem, James Lyngdoh, ka Debora Marak , u Manish Chatrath general secretary ka AICC, u Victor Keshing secretary ba dei peit ia ka Meghalaya, ha kane ka sngi u Dr Celestine Lyngdoh u la aiti ia ka kam president ka MPCC.

Ia ka jingialang la pyniaid da ka kong Ampareen Lyngdoh bad la ai khublei da u bah Kimfa S Marbaniang. Ha kane ka sngi la don ki nongkit kam jong ka party na kylleng jylla khamtam ki District bd Block President jong ka party.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet