Shillong, Risaw 23: U Bah Prestone Tynsong myntri ba dei peit ia ka tnad sam um jong ka jylla u la ong ba ka jingdawa jong ka CCIB ban ker ksainar shiah na Mawthum ka long kaba dei hok, hynrei ban dawa ban ia pynbeit biang ia u pud u sam ka long kaba ym lah ban pdiang.
“ Balei nga ong bay n nym lah ban pdiang ban ia pynbeit biang ia u pud u sam, kane kam dei shuh ka kam jong ka sorkar jylla kala dei ka kam jong ki ar tylli ki Ri, hapdeng ka sorkar India bad ka sorkar Bangladesh, ia kaba la dep ban pdiang ia kane ka jingiapynbeit pud hapdeng kine ki Ri da ki ar tylli ki iing dorbar ha Parliament”.
Hynrei ka jingdawa ban ker ksainar shiah na u Mawthum, u ruh u sngew ia hap jingmut, namar lada ker 150 yard na u Mawthum ka jingduh ka long kaba khraw ia ki paidbah namar bakin nym lah shuh ban leit rep leit riang bad lada leit rep leit riang ruh ka long kumba pynrep ia ki nong Banalgsesh.
Haba ia dei bad ka jingker ksainar shiah ka long ka kam kaba la dep ban leh noh, namar ka jingbym lah ban pyndep noh ia kane ka jingker kala ktah ia ki briew kiba shong ha khappud bad ka Bangladesh, na ka jingshah juh ha ki briew na Bangladesh.
