Shillong, Rymphang 12: U Bah Adelbert Nongrum MLA jong ka North Shillong u la ong ba ka jingdheng kali hapoh kane ka nongbah Shillong, khatam tam ka khyndailad, Motphran Umsohsum Mawkhar bad kiwei kiwei ki jaka ka dei ban ka sorkar kam pat lah ban pynkynriah ia ki briew ba shong ha Themmotor.
Haba kren ha kilat pathai khubor mynta ka sngi ha dien bala wan ban jurip ia ka jingpyniaid kali thymmai na Khyndailad sha Motphran, u Bah Nongrum u la ong ba ka jingdheng kali ha kane ka nongbah Shillong ka long ba ka sorkar kam pat lah ban pynkynriah ia ki briew ba sah ha Themmotor.
Ha kane ka jingwan jurip mynta ka long ban tip la ki dang don ne em ki jaka kiba dang lah ban pynheh ia ka surok ban suk ki kali ban iaid ar tylli, ha kane ka jingwan la lap ba ki dang don ki jaka ba lah ban pyneh da kaba weng noh ia ki diengpost eletrik, da kaba pynrit khyndait ia ki lynti iaid kjat.
La ong ba ha kane ka jingjruip mynta ka sngi ka shem ba dei ban pynpra ia ka kynroh jong ka jaka ieng kali Jaiaw ha Motphran ban pynheh ia ki jaka rung bad jaka mih khnang ba ki kali kamai kin rung hapoh jaka ieng bad kane kan iarap ia ka jingdheng kali ha Motphran.
U bah Nongrum u la ong ba ki don ki surok shnong kiba la khang ban iaid kali wat la da ki hap hapoh jong ka PWD hynrei ki khang ban iaid kali, la kyntu iaki bor shnong ba kin pynlait ia kine ki surok. Ha kane ka sngi la don lang na ki pulit, ki briew jong ka PWD, jong ka Municipal ban ia peit lang kino ki jaka kiba dang lah ban pynheh ia ki surok,
