Shillong, Naitung 14:
Ka ophis jong ka District Social Welfare, ryngkat bad ki pulit jong ka Madanriting mynta ka sngi kala pynlong ia ka jingiaid paidbah na Madanryting sha iing dorbar shnong jong katei ka shnong ban pyrshah ia ki kam dih drugs.
Ka kong M. Kharkongor, Chairperson, State Commission for Protection of Child Rights, Meghalaya, haba kren kum ka kongsan ha kane ka sngi ka la ong ba ki jingialang bad ki jingiaid paidbah kiba kum kine ka long ban pynsngewthuh ia ki samla ia ka jingsniew na ka jingdih drugs bad ka jingdih kyiad. La kyntu ia ki nonghikai ba kin hikai ia ki khynnah ba kin lah ban kiar na kitei ki jingsniew bad ban ia leh kumno ban pynduh jait ia kine ki jingsniew na ka imlang sah lang.
Kumba ka long mynta katei ka thain kala jyllei bha ha kine ki kam dih drugs bad na ka liang jong ki pulit ruh kila kem bun bun ki briew ha kaba ia dei bad kane ka jingdih kaba sniew. U Bah O Syiemlieh OC jong kane ka police station u la ong ba kam myntoi ban pynlogn ia kum kine ki jingialang lada ym lah ban ia trei lang ban rat diengkhong ia kane ka jingsniew.
Kiba la ia don lang ha kane ka sngi ki long ka kong C. Lyngwa, Spl. SP, CID, Kong Z.J.Lyngdoh, District Social Welfare Officer, East Khasi Hills, u Bah W. A. Kharkongor, Assistant Director, MACS, u Bah B. Kharkongor, Rangbah Shnong, Madanrting, Executive Members Dorbar Shnong Madanrting, bad kiwei kiwei ki nongialam seng bhalang bad na ki balang.
Ki khynnah skul kiba la ia wan ban ia shim bynta ha kaba ia dei bad kane ka jingiaid paidbah ban pyrshah ia u Drugs ki long ka St. Peters Higher Secondary, H.L Mizo Secondary, Madan Hindi Pathshala, Holy Child and Madanriting Presbyterian higher secondary school. Kiwei kiba la kren ha kane ka jingialang ki long u Bah K. Kharbangar, Programme Manager, VHAM, Bah R.Rajee, President, VDP, Madanrting.
