Ka jingdon jong ka Loyola Higher SS ha Williamnagar dei ka jingkyrkhu iaki paidbah

Shillong, Rymphang 23: U Myntri Rangbah ka jylla u Conrad K Sangma, ha ka jingiadon lang ka MP jong ka Tura ka Agatha K Sangma mynta ka sngi la plie ia ka Higher Secondary School Block jong ka  Loyola Higher Secondary School kaba don ha  Williamnagar jong ka East Khasi Hills District.

Ha ka jingkren jong u mytnri rangbah ka jylla u la pynpaw ia ka jingsngew kmen ka jong u ban plie ia kane ka skul bad ka jingdon jong ka ha Williamnagar kala long ka jingkyrkhu ia ka East Garo Hills District bad ka jylla.

Ha kane ka sngi ka MP, ka Agatha K Sangma kala plie ia ka madan ialehkai Basketball jong kane ka skul ia kaba la bei pisa na ka CM’s Special Development Fund (CMSDF). Ha kane ka sngi u mytnri rangbah u la kren ia ka jingpass ki khynnah na Garo Hills bad la ong ba ka dei ka bynta jong ka sorkar bad ki paidbah ban iatrei lang ban weng ia kane ka jingeh.

Ha kane ka sngi u myntri rangbah ka jylla u la pynlait paidbah ruh ia ka skul bus jong ka St. George School ha Samanda, u myntri rangbah u la ong ba kane kan iarap ban kit ia ki khynnah skul bad ia kane ruh la bei pisa na ka CMSDF.

What Next?

Recent Articles

Leave a Reply

Submit Comment

*