Ka jingduk jingkyrduh kam lah ban khanglad ia u briew ba kwah ban kiew: Banteidor

Shillong, Iaiong 22: Ka World Vision India ha ka 19th April 2018 kala pynlong ia ka Job Guidance & Career Counseling Programme halor ka phang pdeng: ‘Collaborate to Inovate’ kum shibynta ban btin lynti ia ki samla pule kiba pule ha ka class-X haduh Class-XII jong kiba bun ki skul kiba hap hapoh jong ka  Mawkynrew Constituency ha kaba palat 300 ngut ki samla pule na ki skul bapher bapher kha ryngkat ka jing synran lang jong ki Nonghikai kila wan ban ia shim bynta ha katei ka Programme.

Haba kren ha ka jingialang kum u Kongsan ha katei ka sngi u Bah Banteidor Lyngdoh uba long ruh u MLA bad MDC jong ka Mawkynrew Constituency bad ha kajuh ka por u Myntri sorkar ba dei khmih ia ka Sports bad  Youth Affairs ha ka sorkar Meghalaya Democratic Alliance la ai khublei kyrpang ia ka World Vision kaba la shim ia katei ka sienjam ban btin lynti ia ki khun samla na ka bynta ban saindur ia ka lawei ka jong ki.

Na ka liang jong u Kongsan ula ai mynsiem ia ki samla pule da kaba ong: ‘Ban saindur iaka Lawei kam dei eh tang ban shu khmih lynti ia ki kam sorkar hadien bala pyndep ia ki jingpule, hynrei ban pyrshang ban ieng hala ki jong ki kjat ban sdang ruh da ki kam lajong’. Shuh shuh na ka liang jong utei u Myntri Sorkar ula ai mynsiem ruh ia ki samla pule da kaba iathuh lyngkot shaphang ka jinglong jing im ka jong u kumno u sdang ban saindur iaka lawei wat hapdeng shibun bah ki jingeh bad ki jing tynjuh tad haduh kane ka khyllip mat kaba mynta ba u long kumne kumba u long.

U Bah Banteidor Lyngdoh u la ong ruh ba ka jingduk jingkyrduh, kam lah satia ban khanglad ia u ne ka briew ban kiew shaphrang lada ngi don ia ka Mynsiem iakhun bad ia ka thong kaba shai ha ka jingim ka jing ki ha ryngkat ka jingim kaba tip briew tip blei bad ka jingim kaba don ia ka akor ka burom (Discipline). Na ka liang jong u Bah Banteidor Lyngdoh u la ong ba na ka liang jong u kum u Myntri sorkar un sa shimkhia ban wanrah ia ki lad ki lynti lyngba ki Policy ki bapher bapher ban pynurlong ia ka jingangnud jong ki khun samla.

Ha katei ka sngi la ioh ruh ia ka jingkren ai mynsiem na u Bah L.T.Tariang, Block Development Officer  Mawkynrew C&RD Block uba long ruh kum u symbud kongsan. Hashwa ban sdang ia katei ka Job Guidance bad Career Counseling Programme la ioh shwa ia ka jingkren lamphrang halor ka phang Current Job Alert & List of govt. job Exam na u  Poamin, World Vission.

Ha ka por nohphai sngi pat ha ka bynta kaba ar jong ka Programme la ioh ia ki jing ai jinghikai kiba kyrpang halor ka ‘Self Employment Through Skills Training, Get Skill & Get Job’na ka kynhun jong ka R.S.E.T.I, Shillong (Punjab National Bank) bala lamkhmat da u Mr. Koukip, Director R.S.E.T.I, Shillong bad kumjuh ruh halor ka phang ‘How To Prepare for Job Exams’ na I kong Mary.B. Lyngdoh.

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet