Shillong, Jylliew 12: ka jingduna ki shallan ha ki jaka die paidbah dei ba pynpoi duna na Goverment Printing Press sha ki ophis jong ki Treasury Ophisar jong ki District. Kane ka long katkum ka jinglap ha ka jingbud dien na ka online News ka www.spnewsagency.com.
Halor ka khubor kaba la pynmih na kane ka online news ha kaba ia dei bad ka jingbym ioh shallan jong ki paidbah na ki jaka die kiba la buh da ka sorkar, la shem ba ka daw dei na ka jingbym lah ban pynbiang na ka Government Printing Press.
Katkum ki jingtip kiba u SP News Agency u la wad halor kane ka jingduna Shallan, ki nongdie kiba la register bad ka sorkar, ki thep shuwa ia ka pisa bad ha dien ba la thep ia ka pisa ki sa phah sha ophis Tresuary bad na ka liang jong ka Treasury ka sa phah sha Government Pringting Press ban shon ia ki Shallan, rong jyrngam kiba pyndon kam ki paidbah.
Kat kum ki jingtip kiba la ioh na ophis Treasury , la ong ba ki juh phah ban phah shon ia ki shallan katkum ka jingpan jong ki nongdie hynrei na ka liang jong ka Government Printing Press kam juh phah kumba pan, ka pynduna dei na kane ka daw ba ka mih ka jingduna ki shallan ban die sha ki paidbah.
Kane ka jingduna ki shallan ym tang ba ka buh ia ki paidbah ha ka jingeh hynrei ka ktah ruh ia ka jingioh jong ka sorkar namar ka pisa kaba ki paidbah ki dei ban siew sha ka sorkar ha ka por kaba biang kum ki khajna kala shim por namar ka jingbym don shallan, kane ka ktah ruh ia ki samla wad kam.
