Ka jingeh kaba khraw tam ia ka sorkar ka long kumno ban pynbiang kam: Dr Mukul

Dr Mukul SangmaShillong, Risaw 04: U myntri rangbah ka jylla u Dr Mukul Sangma u la ong ba ka jingeh kaba khraw tam ia ka sorkar kaba don ha khmat ka long kumno ban pynbiang kam, ia kane dei ban sngewthuh bha dei ban wad kilad ki lynti kumno ban leh ban ioh kam ioh jam sha bar na ki kam sorkar.

Ia kane u myntri rangbah u la kren ha ka jingialang jong ki seng treilang ia kaba la pynlong ha Dakopgre. Kane ka jingialang ka long na ka bynta ban hikai ia ki briew kumno ba kin ialeh ban ieng ha la ki jong ki kjat ha ki kam ki jam bad ha kane ka jingialang la batai ruh ia ki skhim kiba bun jaid kiba ka sorkar ka don na ka bynta ki paidbah ban leh.

Haba kren halor jong ki mission apher bapher kiba ka sorkar kala sdang la ka dei na ka sorkar pdeng ne na ka sorkar jylla bun sien kila pulom namar la shu pyntrei kam ia ki hangne hangtai, namar bay m shym la shim ia ki ha ka rukom kaba ba ki briew kin kwah ban trei ia kata ka kam.

Ha kane ka sngi u myntri rangbah u la ban jur ba bun na ki jingdon jingem kiba ka mariang kala ai ki don ha jan, kaba sah ka long tang kumno ban pynkylla ia ki sha ka rukom kaba lah ban pyniaid iew ia ki. Na ka liang jong u myntri rangbah u la kyntu ia ki seng treilang ba kin pyndon kam ia ka pisa kaba kila kynshiew ki dei ban pynpynkha sa kawei pat ka kam.

Na ka liang jong u Deputy Commissioner jong ka West Garo Hills u la ba la ia don lang ha kane ka sngi u la pynpaw ia ka jingsngew kmen ban ioh ia kane ka buid ka sap kaba u myntri rangbah ka jylla u la bsiap ha ki paidbah. Na ka liang jong u nongialam ka Bakdil, u phadar Sunny, u la ong ba don ka jingnang kumno ban kynshew kyndiap, kiwei kiba la ia don lang ki long u ADC bad  PD, DRDA, D.D.Shira bad kiwei kiwei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet