Shillong, K.Lyngkot 03: U Mytnri Rangbah ka jylla la ong ba mytna ka sngi kala don ka jingiakren hapdeng u myntri ka sorkar Assam u Pijush Hazarika bad u Symbut Myntri Rangbah ka jylla u bah Prestone Tynsong, ha kane ka jingiakynduh la ia kren bniah bad la ai ai mar kylliang ruh ia ki kaiphot.
Mynta ka sorkar Assam kala pdiang ia ka kaiphot jong ka sorkar Meghalaya bad ka Meghalaya kala ioh ia ka kaiphot jong ka jylla Assam, la don ruh ka jingiakren kaba bniah bha lah ban ong ba ka jingiakren ka long kaba sngewtynnad ia kaba ym pat lah ban pyntip paidbah.
Ha dien kane ka jingiakren kaba mynta kan dang don shuh ia ka jingiakynduh hapdeng ki myntri rangbah jong ki ar tylli ki jylla ha kaba kin sa shim ia ka rai ha kine ki khyndiat taiew ban wan ban ia kren bad ban shim rai halor ki kaiphot kaba la dep ban ai mar kylliang na ka bynta kaba bhah kaba nyngkong.
La iathuh ba ka shai ka sngi kan don ka jingiakynduh ha pdeng ki ar tylli ki Regional Committee na Kamrup bad West Khasi Hills District kane ka jingiakynduhkan long ha Guwahati kyrmen ba kane ka jingiakren kan iaid beit sha ka lynti kaba dei.
Wat la kam don ha ka kaiphot hynrei kila ia kren ruh ia kiwei ki bynta kiba don ka jingiakam khappud kaba mar kylliang bad kum ba ka long mynta kila tip ki dang ap ban ioh ia ka kaiphot, haba ia dei bad ka kam khapud la ong ba ka don ka jingeh bad ym lah ban ioh da kaba suk kaei kaba ka sorkar ka kwah ka long ban weng ia kane ka jingeh.
