Shillong, Lber 09: U Myntri Rangbah ka jylla u Conrad K Sangma haba jubab ia ka jingkylli jong ka Dr Amapreen Lyngdoh MLA ha kaba ia ia dei bad ka jaka kaba dei na ka bynta ka skul bah ha ka rep ka riang ha Kyrdemkulai, u la ong ba ka dei ka jingshisha ba ka sorkar kala shim ia ka jaka na ka bynta ban buh ia ka Central Agricultural University.
U myntri Rangbah u la pyntip hapoh ka iing dorbar bas ka sorkar kala dep ban siew ia kane ka jaka lai sien siew kaba la kot sha ka T.5.49 klur, ka sorkar jylla kala dep ban aiti ia kane ka jaka sha ka sorkar pdeng ha kaba la sdang mynta ia ka College of Agriculture ha katei ka jaka.
Na ka liang jong ka sorkar Meghalaya ha u snem 2005 kala ai jaka ha Umktieh sha ka CAU Imphal ban sdang ia ka kolej ha katei ka jaka, ha ka juh ka por ka sorkar jylla kala thoh sha ka sorkar pdeng ban buh ia ka skul bah ha kaba ia dei bad ka rep ka riang ha ka jylla.
Halor ki jingthoh na ka sorkar jylla ka sorkar pdeng kala jubab ha ka 25/06/2019 da kaba phah ia ka jingthoh kaba la buh hapoh ka iing dorbar hapoh Lok Sabha. Ka sorkar jylla ka iai bud dien ia kane bad ka sorkar pdeng.
Haba jubab ia ki jingkylli bynrap na ka liang jong u mytnri rangbah u la ong ban shna ia ki jingtei ha katei ka jaka la mang pisa T.45.44 klur, kane ka kam kam dei kaba dang thymmai hynrei kala sdang naduh u snem 2008 ha kaba ka sorkar kala ai jingmut ban don ia kane ka skul bah bad ha u snem 2009 la pdiang ia ka jingai jingmut.
Dei ha u dnem 2010 u secretary ka ICAR u la ai ia ka jingmynjur ia katei ka jaka bad ha u snem 2013 la mang na ka bynta katei ka jaka ban pynlut T.300 klur, ka sorkar jylla kala bud dien ia kane ban ioh ia ka skul bah ban pule ha ka rep ka riang.
U Myntri Rangbah u la pynshai ban don ia ka Central Agricultural University don kam ban pdiang da ka ain hapoh Parliament jong ka Ri India lada ym pat lah ban leh ia kata yn nym lah ban don ia ka skul bah.
U Myntri rangbah u la ong ba dei halor kane ka nongrim ba ka sorkar bad kum juh u Lat ka jylla la thoh sha ka sorkar pdeng ban pan ia ka skul bah ba dei ia ka rep ka riang ja la jylla.
