Shillong, Nohprah 15: Ka seng samla parish Nangbah ka la pynlong ia ka “4th annual youth convention ha kine ki sngi hapoh ka parish Nangbah, na ka liang u president jong ka seng u samla Eugine Hinge.
Na ka liang jong u president u la ai ki kynien pdiang sngewbha ia baroh ki ba wan sha ka ne ka convention bad u la iathuh ba kane ka dei ka sien ba nynkong la pynlong ia kane ka convention hapoh parish namar ba la ju pynlong sha ki wei ki balang shnong ki ba don ha poh ka parish.
Ha kitei ki sngi la wan bun ngut ki nongkren naduh ka people welfare development and society kynthup ia u samla Mutshwa Thabah president jong ka ICYM Jowai Diocese ka sister Mabel Dhar bad u Phadar Ebormitre lamare u ba dei u spiritual director jong ka seng samla parish mynsngat.
Ha kine ki sngi ki samla ki la ia shim bynta shitrhem bha bad ki la ioh shibun ki jingmyntoi lyngba ki nong kren, ha ka sngi u sngi u blei la pynkut ia ka da ka mass bakhuid ba la don lang u Phadar Probester Nongseij u ba dei ruh u parish priest jong ka parish Nangbah.
U Phadar Ksan kupar Khongwar u ba dei ruh u spiritual director jong ka seng bad uba dei ruh u nongknia rangbah ha ka mass bakhuid bad la ai jingkren da u Deacon David Marbangiang, u la sneng ia ki samla ba kin long ki bashlur bad ban im sngi ha ka ktien jong u Blei.
Ha ka nohphai sngi ka seng ka la ai khusnam ruh ia ki samla ki ba wanrah burom ia ka parish ha ka sports meet jong ka ICYM Jowai Diocese bad la pynhap pyrda ia ka da u ma Justin Dkhar u ba dei u ex MLA jong ka 6 Khlehriait constituency ha ka juh ka por kum principal jong ka Ambrose memorial secondary school khlehriait.
La aiti ruh ia ka lama jong ka seng sha u president jong seng samla balang shnong myrjai ka ban long ha u snem 2022. La pynkut da ki kyntien khublei na i general secretary jong ka seng i samla Nida wanbiang Pasi. Pynkut ka kyrwoh na u Publicity Secretary u samla Poibiang Lamare.
