Ka jingialang ba kyrkieh ki D.El.Ed Trainees jong ka East-West Jaintia Hills kan long ha Khliehriat

Shillong, Risaw 16: Ka jingialang ba kyrkieh jong ki nonghikai SSA kiba ialeh ia ka Diploma in Elementary Education (D.El.Ed) training jong ka 1st batch 2013 jong baroh 11 tylli ki Study Centres hapoh East bad West jaintia hills district bad kumjuh ruh ki nonghikai SSA kiba dang shu dep register ia ka online D.El.Ed training bad ka NIOS ha u bnai August bad September mynta u snem kan long ha ka 20 tarik mynta u bnai hapoh Community Hall Khliehriat West Iawpyngkat ha ka por 10 baje mynstep.

Ha u kyrwoh ba la phah da u bah Greeting Hynniewta General Secretary ka MSSASA East Jaintia Hills District Unit u la pyntip ba ha katei ka jingialang yn sa ai ia ka kaiphot halor ka legal notice bala phah da ka MSSASA Sengkmie sha u Chairman ka NIOS ha u bnai July mynta u snem nalor kiwei kiwei ki jingdonkam ban leh ha kaba iadei bad ka jingpynbiet ia ka D.El.Ed Result jong ka 1st batch 2013 yn iakren ha katei ka sngi.

Yn ai jinghikai ruh ia kito ki nonghikai SSA kiba dang shu dep register ia ka online D.El.Ed training kumno ban register hapoh Swayam Portal ban ioh ia ki jinghikai jong ka Diploma in Elementary Education (D.El.Ed) katkum ka jingbthah jong ka MHRD bad NIOS. Ki nongialam ka MSSASA Sengkmie naduh u President bah Aristotle C. Rymbai bad General Secretary bah H.M.Marbaniang kin iadonlang ha katei ka sngi.

Kumta la kyrpad ia baroh ki nonghikai SSA kiba ialeh ia ka D.El.Ed training jong ka 1st batch 2013 jong baroh 11 tylli ki Study Centres hapoh East bad West Jaintia hills district bad kumjuh ruh ki nonghikai SSA kiba dang shu dep register ia ka online D.El.Ed training bad ka NIOS ba kin wan khnang khnang sha katei ka jingialang ban ioh ia ki tip bad jingpynshai ba bniah.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet