Shillong, Nailar 02: U myntri ka tnad pule puthi jong ka sorkar jylla u Bah Lakhmen Rymbui u la pynpaw ia ka jingsngewsih ka jong u ha ka jingialang kaba 33rd jong ka seng ki nonghikai college ka MTC ba slem ka NEHU ban pynmih ia ka resolt BA mynta u snem.
Kane ka jingpynslem ban pynmih ia ka resolt kala pynlong ia ki samla pule ban ia khih, kane ka jingpynslem ban pymih ia ka reslot kala buh ia ki samla pule ban ioh rung klass ha ka kyrdan Post Graduate ha ki skul bah jong ka Ri.
Na ka liang jong u myntri ka tnad pule puthi u la kyntu ia ki nonghikai ba ki dei ban pynthikna ba kum kane kam dei shuh ban dang jia ha ki snem ban wan kaba la buh ia ki samla pule ha ka jingeh kaba khraw.
La ong ba na ka liang jong ka sorkar ka ialeh ban weng ia ki jingeh jong ki nonghikai, ha ka juh ka por ki nonghikai ki dei ban sngewthuh ban ia treilang bad ka sorkar na ka bynta ka jingmyntoi jong ki samla pule
