Shillong, Risaw 29: Ka jingialang jong ki nonghikai kiba ialeh ia ka professional course Diploma in Elementary Education (D.El.Ed) jong ka 1st batch 2013 bad 2nd batch 2014 lyngba ka National Institute of Open Schooling (NIOS) kan long ha ka 4 tarik Naiwieng ha Jowai bad ha Shillong.
Ha u kyrwoh bala phah da u bah H.M.Marbaniang General Secretary Meghalaya SSA Schools Association Sengkmie u pyntip ba ki nonghikai kiba hap hapoh ki Study Centres jong ka East Jaintia Hills bad West Jaintia Hills districts kan long hapoh Tpep Pale Community Hall, Jowai ha ka por 11 baje mynstep.
Ki nonghikai kiba hap hapoh ki Study Centres na Ri Bhoi, East Khasi Hills, West Khasi Hills, South West Khasi Hills districts bad Garo Hills kan long hapoh Khasi National Dorbar Hall Mawkhar Shillong ha ka por 11: 30 mynstep.
La kyntu ia baroh ki nonghikai jong ka 1st batch bad 2nd batch ban iawan khnang khnang ha katei ka sngi ban iakren bad pynshai ia ki kam kiba iadei bad ka results, exams bad kiwei kiwei. La ong u Bah HM Marbaniang General Secretary ka MSSASA seng kmie.
