Shillong, Nohprah 06: U Director ka tnad ka koit ka khiah u Dr Aman War mynta ka sngi u la pyntip ba kila don ar ngut ki briew kiba khlad na ka jingpang khlam COVID-19, kine kiba khlad la tip kyrteng kum u Harekrishna Debnath 67 snem la khlad ha NEIGRIHMS bad u Amiya Ch Momin 65 snem na Rajabala West Garo Hills, da ka jingkhlad jong kine ka jingiap ha ka jylla Meghalaya kala kiew sha ka 120 ngut.
U Director u la pyntip ba mynta ka sngi baroh kiba la test COVID-19 positive ki long 73 ngut, East Khasi Hills 58, Ri Bhoi 8, West Garo Hills 4, West Jaintia hills 2, North Garo hills 1, kiba dang shitom baroh ha ka jylla ki long 664 ngut.
Kiba la ioh ia ka jignkoit mynta ka sngi na kane ka jingpang ki long East Khasi Hills 38, West Garo Hills 15, Ri Bhoi 3, East Garo Hills 2, North Garo Hills 2, West Jaintia Hills 1, kiba la koit na kane ka jingpang baroh haduh mynta ki long 11453 ngut.
Na ka jingpyntip jong u Director kala paw shai ba bun na kiba la test COVID-19 positive dei kiba don ka jingiajan bad kito kiba la don ia ka jingshitom , ha Shilong kiba la test COVID-19 ki don haduh 25 ngut kiba don ka jingiajan bad kiba shitom bad ha Tura ruh kum juh na ki saw ngut kiba shitom lai ngut dei kiba don ka jingiajan bad ki ba pang COVID-19.
