Shillong, Jymmang 22: U Myntri Rangbah ka jylla u Cornad K Sangma mynta ka sngi u la wan ia ka jingtip hapoh ka iing dorbar ha kaba ia dei bad ka jingkylli jong u bah Syntar Klas Sunn MLA jong ka Mawphlang Diengiei ha kaba ia dei bad ki jaka ba ia kajia khappud ha pdeng ka jylla Meghalaya bad ka Assam.
Ha ka jubab kaba u myntri rangbah ka jylla pyntip hapoh ka iing dorbar mynta ka sngi u la iathuh ba ka jingiar ki jaka ha kane ka jingia kajia pud ka long 2729.14 Sq Km antad, ia kiba ka jylla Meghalaya ka kam ba ki hap hapoh jong ka jylla Meghalaya.
U Myntri Rangbah ka jylla u la iathuh ba ki jaka kiba don ha pdeng ka jingia kajai bad ka jylla Assam ki long ha ki 12 tylli ki jaka bad u mytnri rangbah u la pyntip hapoh ka iing dorbar wat ka jingheh jong ki jaka kiba don ha pdeng ka jingia kajia pud hapdeng ka jylla Meghalaya bad ka jylla Assam.
Ki jaka kiba ka Meghalaya ka kam ba ki dei hapoh ka jylla Meghalaya ki long ka Tarabari ka jingiar kane ka jaka ka long 4.69 sq km antad, ka Gisang ka jingiar kane ka jaka ka long 13.53 sq km antad, ka Hahim ka jingiar jong kane ka jaka ka long 3.51 sq km antad, Langpih ka jingiar kane ka jaka ka long 298 sq km antad.
Ka Borduar ka jingiar kane ka jaka ka long 147.83 sq km antad, Boklapara ka jingiar kane ka jaka ka long 1.57 sq km atnad, ka Nongwah Mawtamur ka jingiar kane ka jaka ka long 137.51 sq km antad, Khanapara Pilangkata ka jingiara kane ka jaka ka long 2.29 sq km antad.
Ka Desh Doomreah ka jingiar kine ka jaka ka long 484.72 sq km antad, ka Block I bad Block II ka jingiar kane ka jaka ka long 1547.42 sq km antad, ka Khanduli bad Psiar ka jingiar kine ki jaka ki long 76.80 sq km antad bad Ratacherra ka jingiar kane ka jaka ka long 11.20 sq km antad.
U Myntri Rangba ka jylla u la ong ba kitei ki khatar tylli ki jaka kiba ka sorkar Meghalaya ka kam ba ki dei hapoh ka jylla Meghalaya. La iathuh ba ka jingiakynduh ha pdeng ki Myntri Rangba jong kine ki ar tylli ki jylla kala long 20 sien naduh u snem 1971 haduh u snem 2017.
Ka jingiakynduh ha pdeng ki Chief secretary jong kine ki ar tylli ki jylla ban ia kren halor kane ka kam pud ka sam ka long 10 sien. Ka jingiakynduh ha pdeng ki Chief Secretary ka jingiakynduh ba nyngkong ka long ha u snem 1992 bad kaba khatduh ka dei ha u snem 2019. La pyntip u Myntri Rangbah hapoh ka iing dorbar mynta ka sngi.
