Shillong, Iaiong 22: Ki Nongialam bad Nongkitkam jong ka Shillong Cricket Association (SCA) hapoh ka jingialam jong u Naba Bhattacharjee, General Secretary SCA ha ka 20th April 2018 kila leit ban ai khublei kyrpang ia u Bah Banteidor Lyngdoh Myntri sorkar ba dei khmih ia ka Sports & Youth Affairs ha ka sorkar Meghalaya Democratic Alliance ha office treikam jong utei u myntri sorkar.
Ha katei ka sngi na ka liang jong ki Nongialam bad Nongkitkam jong ka Shillong Cricket Association (SCA) kila pynkup burom kyrpang ia U Bah Banteidor Lyngdoh da ka Memento bad ka kajuh ka por kila iathir sani bha ia shibun ki jingeh jong ka Association bad iamir jingmut ruh kumno ban kyntiew bad ban kyntiew ia ka kam ialehkai Cricket ha ka Nongbah bad ha ka Jylla hi baroh kawei.
U Bah Banteidor Lyngdoh, myntri ba dei peit ia ki kam ialehkai ula kular ba un shimkhia bad bundien ia kiba bun ki kam jong katei ka Association da kaba pynpaw ba ma u ruh udei u briew uba la ngam jylliew ha ki kam ialehkai Sports bad kumta u sngewthuh khambha ia ki jingeh bad u la ong ruh ha ka juh ka por ba dei tang lyngba ka Mynsiem jong ka Jing iatreilang yn lah ban weng ia ki jingeh baroh bad ban kyntiew ia ki kam ialehkai Sports ha ka Jylla.
