Shillong, Jymmang 01: Ka jinglum GST ha u bnai Iaiong, 2023 kalong ₹ 1,87,035 klur ha kaba ka CGST kalong ₹ 38,440 klur, SGST kalong ₹ 47,412 klur, IGST kalong ₹ 89,158 klur (kynthup ₹34,972 klur ba lum na ka jingthied ia ki mar nabar ri) bad ka cess kalong ₹12,025 klur (kynthup ₹901 klur ba la lum na ka jingthied ia ki mar nabar ri).
Ka sorkar ka la sam ₹45,864 klur sha ka CGST bad ₹37,959 klur sha ka SGST na ka IGST. Ka jinglum khajna baroh jong ka Sorkar Pdeng bad ki Jylla ha u bnai Iaiong 2023 hadien ka jingpynbeit kaba man ka por kalong ₹84,304 klur na ka bynta ka CGST bad ₹85,371 klur na ka bynta ka SGST.
Ki jinglum khajna ha u bnai Iaiong 2023 kalong 12% kham bun ia ki khajna GST ba la lum ha ujuh u bnai ha u snem ba ladep. Ha une u bnai, ki khajna na ki jingsiew hapoh ka ri (kynthup ki jingthied ia ki kam ai jingshakri nabar ri) kalong 16% kham bun ia ki khajna na kine ki tyllong ha ujuh u bnai ha u snem ba ladep.
Ha ka sien ba nyngkong ka GST ba la lum ka la tam ia ka ₹1.75 lak klur. Ka jingdon ki e-way bill ba la ai ha u bnai Lber 2023 kalong 9.0 klur, kaba kham bun da 11% ban ia 8.1 klur ki e-way bill ba la ai ha u bnai Rymphang 2023.
La sakhi ka jingbun tam ka jinglum khajna ha u bnai Iaiong 2023 ha ka shi sngi ha ka 20 tarik Iaiong 2023. Ha ka 20 tarik Iaiong 2023, ₹ 68,228 klur la siew lyngba 9.8 lak ki jingsiew. Ka jingsiew kaba bun tam ha ka shi sngi ha u snem ba ladep (ha kajuh ka tarik) kalong ₹ 57,846 klur lyngba 9.6 lak ki jingsiew.
Ka thupharum ka pyni ia ki jinglong ha jingsiew GST kaba man ka bnai mynta u snem. Ka thupharum ka pyni ia ki jingkheinjingdiah ha ki jylla katkum ki jylla halor ka jinglum GST ha man ka Jylla ha u bnai Iaiong 2023 haba ianujor bad u bnai Iaiong 2022.
Haba phai sha ka jylla Meghalaya ka jingioh lum ia ka GST ha u Iaiong 2022 ka long 227 bad mynta u snem 2023 Iaiong ka jingioh lum na ka GST ka long 239 bad ka jingkiew ka long tang 6% ha ka jinglum ia ka GST ha ka jylla Meghalaya.
