Ka jingioh rung u Branch Manager ka SBI khliehrait ka pynkyndit briew ia ka sorkar: AL hek

Shillong, Jylliew 30: U Myntri ka koit ka khiah jong ka sorkar jylla u bah AL hek u la ong ba ka jingioh rung u Branch Manager ka SBI Khliehriat kala pynkyndit ia ka sorkar ba ka hap ban pynkyrkhing shuh shuh ia ka jingwan ki briew sha ka jylla.

Haba kren ha ki lat pathai khubor mynta ka sngi u Bah Hek u la iathuh ka sorkar kan dang peitbniah la une u Branch manager u la pynkhein ne em ia ki kyndon kiba la bthah da ka sorkar lda lap ba  u pynkhein ia ki kyndon ka sorkar kan ai da ka ejahar pyrshah ia une u briew.

U Myntri u la iathuh ba une u briew u la wan na Guwahati ban leit sha Khliehriat kum u Branch Manager jong ka SBI bad haba u wan ynda poi sha Byrnihat u la shu pyni ia ka ID Kard jong u ba kila pynlait da ka jingkyrmen ba un sa leit sha Civil Hospital ban phah test hynrei u la leit beit sha jaka sah.

Haba ki bor shnong jong ka shnong Khliehriat haba kila iohi ba don ba wan riewphylla kila pyntip sha ki bor sorkar na ka liang jong ki bor District kila wad ia u bad la phah test bad haba la ioh ia ka resolt la shem ba u long COVID-19 Positive.

U Myntri u la ong ba kane ka jingjia ka long kum ka jingpynkyndit ia ka sorkar ba ki hap ban dang pyrkhing shuh shuh ia ki briew kiba wan sha kane ka jylla, u myntri u la ai khublei ia ki bor shnong kiba la trei shitom ban tehlakam ia kane ka khlam COVID-19.

 

 

 

 

What Next?

Recent Articles

Leave a Reply

Submit Comment

*