Ka jingjop kaba khraw tam ka sorkar NDA ha ka shisnem ba kala weng ia ka Article 370: Hek

Shillong, Jylliew 01: U bah Alexander Hek nongialam jong ka BJP ha kane ka jylla Meghalaya u ba dei ruh u myntri ka koit ka khiah jong ka sorkar jylla haba kren halor ka jingdap shisnem jong ka sorkar NDA 2.0 ha Delhi hapoh ka jingialamg jong u myntri rangbah duh jong ka Ri u Narendra Modi u la ong ba ka jingjop kaba khraw tam ha kane ka shisnem ka long ba la lah ban weng ia ka Article 370.

Haba kren ha ki lat pathai khubor mynta ka sngi ha ophis jong ka BJP na ka liang jong u bah Hek u la ai khublei kyrpang ia u myntri rangbah duh jong ka Ri India u Narendra Modi ha kane ka jingialam jong u ia ka sorkar NDA kaba la dap shisnem mynta ha Delhi ha kane ka sien kaba ar.

La ong ba nalor katei ka kam kaba khraw ba la lah ban weng ia ka Article 370, u Bah Hek u la ong ba ka long ka jingjop kaba khraw ia kane ka sorkar NDA ha kaba kala lah ban pynbeit ia ka jingeh jong ka Ram Mandir, ka jingwan rah ia ka Jal Jivan Mission ban pynioh um sha ki thliew iing sha ki nongkyndong, ban wanrah ia ka kam Chief of Defence Staff.

Haba phai sha ka jylla u Bah Hek u la ong ba ha kaba ia dei bad ka jylla Meghalaya ka jingbei pisa sha ka jylla tang na ka tnad pynroi ia ki riewlum kala kot sha ka T.450 klur katba ia kiwei kiwei u mytnri rangbah ka jylla u tip kham bha.

Haba ia dei bad ka jingialeh pyrshah ia ka khlam COVID-19 u Bah Hek u la ong ba ka sorkar kala leh bha ha kaba la lah ban buh 100 tylli ki quarantine centre bad 25 tylli ki Corona Care Centre. U Hek u ai khublei kyrpang ia ki dorbar shnong ki la pathai khubor kiba la ia trei lang ban ia leh pyrshah ia u COVID-19.

U Bah David Kharsati Vice President u la ong ba ka long kaei kaei kaba sngew tynnad ban iohi ba kane ka sorkar NDA kala lah ban weng ia ka article 370 khlem da don kano kano ka jingiaum snam bad kwei kiwei ki kam kiba rat bah ba ka sorkar NDA ka la leh ha Delhi.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet