Shillong, Iaiong 01: U Bah RR Lyngdoh Secretary shnong jong ka shnong Wahra u la pyntip ba ka jingjulor jong ki iing ki sem ki jingthung jingtep ha ka jinghap phria ha ka sngi thohdieng ha ka shnong Wahra bad ki shnong ba mar jan kala jubor haduh katta katta.
Na ka liang jong u Secretary shnong u la ong ba ka jingduh jong ka rep ka riang bad ki iing ki sem kila bun bah ha kane ka jinghap phria ha katei ka thain Lumkyllang. Na ka liang jong ka shnong kala pyntip ia kane ka jingshah lynshop ha ka mariang sha ki bor sorkar bad kan dup lah ban ai ia ki jingiarap sha ki paidbah.
Wat la kila bun ki iing kiba la shah pynjot ha kane ka jinghap phria hynrei haba kila wad jingtip la don em ki nongshong shnong kiba la mynsaw na kane ka jinghap phria, haduh mynta ka sngi na ka liang jong ka shnong kam shym la ioh ia kano kano ka jingpyntip ba kan don kum kata ka jingjia, la ong u secretary jong ka shnong.
