Ka jingjulor na ka jingslap jur kala bun, la bthah ia ki DC ba kin lum jingtip: Conrad

Shillong, Jymmang 27: U Myntri Rangbah ka jylla u Conrad K Sangma mynta ka sngi u la iathuh ba ka jinglynshop jong u slap naduh ka 19 tarik haduh ka 26 tarik Jymmang kala wan rah ia ka jingjulor kaba jur ha ka jylla bad na ka liang jong ka sorkar kala bthah ia u Deputy Commissioner ba kin lum ia ka jingkhein.

Haba kren ha ki lat pathai khubor mynta ka sngi u la iathuh ba ka jingther jong u slap kala ktah jubor ia ka West Garo Hills bad ka West Jiantia Hills bad ia baroh kiwei ki District ha ka jylla, kiba la shah ktah nalor ki iing, ki surok ruh kila shah pynjot.

U Myntri rangbah u la iathuh ba ki briew kiba la shah ktah ha kane ka jingpynjulor ka mariang ki long 1787 ngut, ka sorkar kala buh san tylli ki jaka san ia kine ki briew ha West Garo Hills bad Jaintia Hills, ki iing kiba la shah ktah ki long 544 tylli, ki shnong ki long 85 tylli.

La iathuh ba ka sorkar pdeng kala buh ia ka pisa T.33 klur bad ka sorkar jylla ha kaba ia dei bad ki lad jingiarap na ka bynta kano kano ka jingshah lynshop ha ka mariang, ka sorkar kala pynlait ia ka pisa sha ki DC ban iarap mardor ia kiba la shah ktah ha kane ka jingpynjulor ka mariang.

La iathuh ba ka MP jong ka Tura ka Agatha Sangma kala leit ban jurip ia ki jaka ba la shah pynjulor ki MLA jong West Jiantia Hills kila ia kynduh ia u ban ia kren halor kane ka jingshah pynjop ka mariang.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet