Shillong, Jymmang 22: La khein ba hapdeng 7 lak haduh 4 million ngut ki kynthei ha ka pyrthei baroh kawei ki shah khaii beain, la ka long ha ki kam awaria lane ban pyntrei ia ki kane ka jingkhein ka long kaba jia man u snem bad kum ba ka long mynta ka jingia khaii ia ki kynthei ka dei ka kam khaii kaba kiew sted ha ki jingiohnong bad laniew ba ka dei kam runar kaba khraw ha ka pyrthei.
Ha ka jingialehkai paidbah kaba la pynlong da ka skul bah Martin Luther Christian University ia kaba la pynlong ha Nongpoh lyngba ka shnat pule ia ki kam jngohkai pyrthei la ong ba ha Ri India, ka jylla Uttarakhand, Assam bad Meghalaya ka jingwantuid jong ki briew kiba na bar ka kham palat ban ia kane ka jingiakhii ia ki kynthei. Ki don ki jingjia ba ia ki kynthei la shu niah sha shillong jong u pud.
Ka jingpynlong ia kane ka jingialehkai drama ha ki jaka paidbah da ka MLCU ka long ban pynsngewthuh sha ki paidbah ia ka jingsniew jong kane ka jingiakhaii beain ia ki riew kynthei bad kumba ka long mynta kane kala jia khah khah ha ka imlang shah lang ha kane ka jylla ruh.
Ia kane ka jingialehkai la leh da ki samla pule jong kane ka skul bah kiba pule ha ka shnat pule Travel Management 2nd semester. Ka phang jong kane ka jingialehkai ka long ba ka jyllei kane ka jingiakhaii ia ki kynthei ha ki jaka ba don ki jaka jngohkai pyrthei.
