Ka jingkhang ia ka Internet dei ba phail ka Cyber Department jong ka sorkar kynnoh ka KHNAM

Shillong, Jylliew 17: Ka jingpynduh noh jong ka sorkar ia ka internet connection ha kine ki sngi jingiakhih ba la dep ka la ktah shibun ia ki samla wad kam wad jam, ia ki samla ki pule jong ka jylla bad ruh ia ki paidbah ki ba juh pyndon kam ia ka ha ki ba bun ki laing.

Ha kine ki khyndiat  sngi la iohi ba ka sorkar ka la pyllait biang ia ka internet hynrei tang hadien lai sngi ba la pynlait biang ia ka internet ka sorkar kala khang biang da kaba ai daw ba ka lah ban wanrah ki jingklumar ha ka im lang sah lang.

Ka seng ka sngew ba kane ka dei ka jingkhanglad ia ki ba bun ki paidbah ki ba pyndon hok ia ka internet na ka bynta ki kam ki jam, ki pule ki puthi jong ki. Bad kane la iohi ruh ba kadei ka jingpynkhien jong ka sorkar jylla ia ka article 19(1) (a) jong ka Riti Synshar jong ka Ri India lane kata ka “Freedom of speech and Expression” jong u wei pa u wei lane kawei pa kawei u ne ka nongshong shnong.

Ka jingpynsaphriang ia ki khubor kiba bakla lyngba ki social media ki don bad ka dei ka kamram jong ka Cyber Crime Department ban teh lakam ia kum kine ki jingpyrshang.  Bad ka jingkhang jong ka sorkar ia ka interner hi baroh kawei ka pynpaw ba ka sorkar jylla ka kubur bad ka pdiang ba ka Cyber Department ka la phail bad kam lah ban trei kam bha.

Ka seng ka kyntu ia ka sorkar ba la dei ka por ban pynkhlain, pynthymmai, pyntrei kam bha ia ka Cyber Crime kat kum ki ain lane kita ki “Cyber Laws” ha ka jylla ban khnang lad ia ka jingpynsaphriang ia ki khubor ki ba lah ban wanrah ia ka thut ha ka shong suk shong sain, hynrei ban pynduh khah khah ia ka internet naka por sha ka por  ka long ka jingiuh roit, ka jingniong bein bad ka jingkhanglad ia ka hok jong kiwei pat ki ba bun balang ki ba pyndon hok ia ka internet.

What Next?

Recent Articles

Leave a Reply

Submit Comment

*