Shillong, Iaiong 13: Ha dien bala ioh ia ka jingtip na baroh ki Deputy Commissioner jong ka jylla ha kaba ia dei bad ki kali paidbah, ka kabinet kala shim ia ka rai ba, ha ki lai tylli ki jaka sor, ka nongbah Shillong, ka sor Jowai bad ka sor Tura ka jingkhang kan dang beteng haduh ban da pynbeit da kumwei pat.
U Bah Prestone u la ong ba kiba bun ki kali la shem ba ki dei ha Shillong, Jowai bad Tura, kum kata ka kabinet kala shim ia ka ban dang bteng ia ka jingkhang ia ki kali paidbah ban iaid ha Shillong, Tura bad Jowai haduh ban da pynbna da kumwei pat.
Haba ia dei bad ki kali sha ki shnong nongkyndong la shah ia ki ba kin iaid tang sha ki nongkyndong, hynrei ia kane ka kam la aiti sha ka Transport Department bad sha ki Deputy Commissioner ban pynbeit ia ka jingpyniaid ia ki kali.
Halor ka jingai jingmut jong ka sorkar ban plie noh ia ki karkhana, na ka liang jong ka kabinet kala bthah ia ka Industry Department ba kan peit bniah la ki nongtrei lada plie ia ki hap ban wan rah biang na sha bar ka jylla ne ki nongtrei kila don lypa ha ka jylla ha dien ba la ioh ia ka jingtip na ka Industry department ka kabinet kan sa shong ban shim ia ka rai.
