Shillong, Jymmang 01: Ka jingkhih ha KHADC, Ka kynhun shynhar United Democratic Alliance (UDA) hapoh jong ka KHADC mynta ka sngi kala ia kynduh lang ha ban ia kren ia kane ka jingkynrum kynram kaba la mih na ka daw jong ka jingweng noh jong ki hynriew ngut ki MDC na ka kynhun shynshar.
Ha kane ka jingialang kaba la long mynta ka sngi, ka kynhun UDA kam shym la lah ban shim ia kano kano ka rai kaba shai bad ki la rai ban dang ia kynduh biang la shai ka sngi ban ia pynbeit ia kane ka jingeh, la ong u Bah Teinwell Dkhar CEM ha dien ka jingialang.
Na ka liang jong u CEM u la ong ba kane ka EC kaba mynta tang ar bnai ruh kam pat dap bha, ha ka jingshisha la dei ban burom ia ka rai jong ki paidbah kiba la jeid ban long kum u MDC.
Ha ka juh ka por u CEM u la pynpaw ba kane baroh ka jia namar ba kam don ka ain ban the lakam ia ki MDC. Haba ia dei bad ka jingiakynduh la shai ka sngi ym pat buh ia ka por katno baje ka jingiakynduh kan long.
Kiba pep ha kane ka jingialang mynta ka miet na ka UDA ki long san ngut ki MDC jong ka NPP bad 1 jong ka PDF, u Bah Latiplang Kharkongor bad u Bah Lambor Malangniang ki MDC shimet.
