Shillong, Rymphang 16: Ka jingiakilan met lang hapdeng ki shipai jong ka Ri India bad ka Bangladesh ha Umroi kaba la sdang naduh ka 03 tarik kala kut noh mynta ka sngi ia kane ka jingiakilan met la tip kum ka “SAMRITI-IX”.
Ki heh shipai kiba la ialam iala ki jong ki kynhun kiba la wan ban ia shim bynta ha kane ka jignhikai ba kyrpang kila ai ka jingiaroh ia la ki jong ki kynhun namar ba kila pynpaw ia ka jingtbit jong ki ban ioh pdiang ia ki jinghikai kiba thymmai.
Kane ka jingkilan met lang hapdeng ki shipai jong kine ki ar tylli ki Ri ka long ban wanrah ia ka jingiajan hadpeng ka Ri India bad ka Ri Bangladesh bad ban sngewthuh kumno ban pyndon kam ia ki stad kane ka juk mynta ha ki jingiakhun lada don kano kano ka jingjia.
Kane ka jinghikai ka long ruh ban ailad ia ki shipai jong kine ki ar tylli ki ri ba ki ia ailem ia ka jingtbit jong ki hala ka jong ka jong ka hikai kaba kila ioh sha kiwei pat, ha ka jingiakhun pyrshah ia ki lehnoh lada dei ha khlaw bad ki jaka sor bad kumno ban leh haba ki iarap ia ki riew paidbah.
Nalor ki jinghikai kaba kila ia shim bynta kum ki shipai kila don ruh ki jingialehkai kum ka Volleyball basketball hapdeng ki shipai ka India bad ka Bangladesh ha kane ka sngi pynkut la pynlong ruh ia ka jingiaid kilan met hapdeng ki shipai jong ki ar tylli ki Ri.
